Хомуска – субсидия, уустарга — аттестация (видео)

Ааптар: 
Бөлөххө киир:

Хомус аан дойдуга тиийэ билиннэ диибит эрээри, кэккэ уустуктар бааллар. Хомус эйгэтигэр үлэлиир дьон итинтэн тахсар суоллары толкуйдууллар.

edersaas.ru

Туох кыһалҕалар баалларый? Бастатан туран, аныгы олох тэтимин батыһан, кыыл-сүөл саҥатын үтүктэн, хомуска төрүт сахалыы тардыыны умнан эрэллэр диэн дьаарханаллар. Иккиһинэн, үчүгэйдик көрүллүбэтэх-харайыллыбатах итиэннэ сииктээх дойдуларга атыыга барбыт хомус олус түргэнник дьэбиннирэр.

Соторутааҥҥа диэри хомус киэҥник биллэрин туһугар мөхсөр эбит буоллахтарына, билигин хаачыстыба, үйэлээх үгэс уонна Саха сирин аатын туһугар туруулаһаллар. Маныаха кэккэ толкуйдардаахтар. Холобура, хомус уустарыгар аттестация ыытыы итиэннэ ол түмүгүнэн хомуска субсидия көрүү эбэтэр Орто дойдуга кэлбит кырачаан киһиэхэ тыла суох хомус оҥорон бэлэхтээһин. Ити уонна да атын сонун идеялар тустарынан СИА (ЯСИА) “Акцент” биэриитигэр анаан, Аан дойдутааҕы хомус киинин уонна түмэлин дириэктэрэ Николай Шишигин кэпсиирин аллараа баар ссылканы арыйан көрүҥ.

Людмила ПОПОВА, “Саха сирэ” хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0