Хомуур: “Ампаардаах” сиилэс уга сылдьар

Ааптар: 
Бөлөххө киир:

Сыа Бүлүү” кэпэрэтиип 2014 с. күһүн Новосибирскай уобаластан сүүс симментал боруода ынаҕы аҕалан Чочуга, “Ампаардаах” ХЭУо-ҕа (салайааччы Симон Томскай) туттарыаҕыттан, Бүлүү куорат олохтоохторо сылы эргиччи сибиэһэй үрүҥ ас эгэлгэтинэн аһыыр кыахтаммыттара.


Ампаардаах” 110 ыанньыгын ахсыттан былырыын 3 тыһ. 500 киилэ үүтү ыабыт, быйыл 3 тыһ. 700 киилэни ыырга соруктанар, билигин “Сыа Бүлүү” кэпэрэтиипкэ күннэтэ 700 киилэ үүтү туттарар. Хаһаайыстыба быйыл сайын 240 туонна оту оттоото. Билигин 250 гектар бааһынаҕа ыспыт эбиэһин уонна элбэх сыллаах отун хомуйан сиилэстии сылдьар. Билиҥҥитэ 300 туонна күөх маассаны сиилэстээтэ, аны 400 туоннаны угуохтаах.

Биһиги хаһаайыстыба салайааччыта Симон Томскайы уонна тыа хаһаайыстыбатын управлениетын сүрүннүүр исписэлииһэ М.С.Николаеваны кытта Кыадаҥда Халҕыйыгар тахса сырыттыбыт. Манна отут гектардаах бааһынаҕа эбиэһи уонна күөх сибэккилээх биир сыллаах “Вика” диэн оту ыспыттараа өлгөмнүк үүммүт.

Саамай үүтү биэрэр “Вика однолетняя” диэн от сиргэ силиһигэр азоту үөскэтэр бактерияны мунньунар. Бу оту ыстахха, бааһына сирэ тупсар. ХЭУо 120 гектарга маннык оту ыста, — диэн агроном Мария Николаева билиһиннэрэр.

Үүнүү үчүгэй, арай, таһар сирбит ыраах: Кыадаҥдаттан Чочуга диэри илдьиэхпитин наада, диэн кэпсээтилэр хаһаайыстыба мэхэньисээтэрдэрэ, комбайнер Егор Николаев уонна суоппар Афанасий Гоголев.

Симон Егорович хаһаайыстыба сайдарыгар өрөспүүбүлүкэтээҕи үп-харчы өттүнэн чэбдигирдии итиэннэ улуустааҕы сүөһү аһылыгын бэлэмнээһин бырагыраамалара салгыы үлэлииллэрэ буоллар диэн баҕа санаалаах. Министиэристибэ уонна улуус дьаһалтата дьоһуннаах көмөнү оҥороллор, диир кини. Ити курдук, улууска биир бастыҥ үлэлээх хаһаайыстыбаҕа сүөһү аһылыгын бэлэмнээһин – күөх маассаны сиилэскэ угуу үгэнэ.

«Саха сирэ» edersaas.ru. сайтка анаан Бүлүүттэн Николай Куприянов.

+1
0
+1
0
+1
0
+1
0
+1
0
+1
0
+1
0