Хортуоппуйу олус күүстээх уокка буһарыллыбат. Күүстээх уокка хортуоппуй таһа бытарыйан, иһэ сиикэй буолар. Түргэнник буһарыаҕы баҕардахха, хортуоппуй буһар уутугар биир остолобуой ньуоска маргарины кутуллар.
Паарга буспут хортуоппуй С битэмиинэ сүппэт, оттон тымныы ууга буспут хортуоппуй С битэмиинэ сүтэр. Онон, хортуоппуйу оргуйа турар ууга уган, кыра-кыратык буһарыллар. Бытааннык буспут хортуоппуй С битэмиинэ бүтүннүү үрэллэр.
Хаҕыламмыт, кырбаммыт хортуоппуйу өр туруоруллубат, ныһыйарга, эрийэргэ тимир тэрили туттуллубат. Хортуоппуйу астыырга мас хамыйах, анал ныһыйар мас, кыл сиидэ, дьэбиннирбэт ыстаал быһах эрэ туттуллар. Буһарарга харааран тахсар хортуоппуйга кыратык уксууһу кутар ордук.
Бөдөҥ хортуоппуйу үтэргэ эбэтэр духуопкаҕа буһарарга иннэнэн курдаттыы тэһитэ кэйдэххэ, хайыта барбат. Салаакка, винегреккэ аҕыйах кырахымааллаах хортуоппуй барар. Оттон элбэх кырахымааллааҕы туһанар буоллахха, тууһу элбэҕи кутуллар. Туус хортуоппуйу олус илдьи барарыттан харыстыыр.