Сыл иккис аҥарыгар өрөспүүбүлүкэ хотугу, сэттэ кыра нэһилиэгэр суотабай сибээс киириэҕэ.
Анивера Акимова, https://edersaas.ru/
Олохтоохтор күүппүт-кэтэспит суотабай сибээстэринэнхааччыллыахтара. Бу туһунан СӨ Сибээһин уонна информационнай технологияларын министиэристибэтэ иһитиннэрдэ.
Суотабайданар нэһилиэктэр:
- Аллайыаха улууһа, Ныычалаах ( 112 киһи)
2. Дьааҥы улууһа, Барылас ( 98 киһи)
3. Дьааҥы улууһа, Токума (147 киһи)
4. Дьааҥы улууһа, Оһохтоох (133 киһи),
5. Муома улууһа, Суон Тиит (131 киһи),
6. Муома улууһа, Чуумпу Кытыл (199 киһи)
7. Усуйаана улууһа, Дьүкээгир (126 киһи)
Олохтоохторо суотабай сибээһинэн туһанар кыахтаныахтара.
«Развитие информационного общества в Республике Саха (Якутия) на 2012-2019 годы» судаарыстыбаннай бырагыраама чэрчитинэн ыытыллыбат күрэх түмүгүнэн, хоту улуустары МТС хамаанньа сибээһинэн хааччыйыыга субсидиянан туһаныа. Субсидия харчытынан хампаанньа оборудование атыылаһыыга, тиэйэн илдьиигэ, таҥыыга аттарыахтаах.
Ааспыт сылга суотабай сибээһинэн бу бырагыраамаҕа олоҕуран, Усуйаана улууһун 154 нэһилиэнньэлээх Уйаандьытыгар уонна Аллайыаха улууһун 155 нэһилиэнньэлээх Чкаловотыгар суотабай сибээс киирбитэ.
Анивера Акимова, https://edersaas.ru/