close
podpiska

«Идэ – олох» эдэр эмчиттэр куонкурустара саҕаланна...
Олох-дьаһах - Саха ыала

«Идэ – олох» эдэр эмчиттэр куонкурустара саҕаланна

Өрөспүүүбүлүкэтээҕи III куонкуруһу СӨ Доруобуйа харыстабылын министиэристибэтэ, СӨ ыччат бырабыыталыстыбата, СӨ ыччат дьыалаларыгар уонна дьиэ кэргэн министиэристибэтэ уонна РФ доруобуйа харыстабылын үлэһиттэрин профсоюһун өрөспүүбүлүкэтээҕи кэмитиэтэ тэрийэллэр.

edersaas.ru


Куонкурус соругунан эмчит идэтин үрдэтии, доруобуйа харыстабылын эйгэтигэр үлэлиир эдэр исписэлиистэри өйөөһүн буолар.

35-гэр диэри саастаах эдэр быраастар, фельдшердэр, медицинскэй үлэһиттэр уонна фармацевтар кыттар бырааптаахтар.

Куонкуруска «СӨ бастыҥ эдэр бырааһа», «СӨ сиэстэрэ дьыалатыгар бастыҥ эдэр исписэлиис» номинациялар кыайыылаахтара быһаарыллыахтара.

Бастакы (кэтэхтэн) түһүмэх түмүктэрэ кулун тутар 13 күнүгэр биллиэхтэрэ.

Сайаапкалар олунньу 19 күнүттэн кулун тутар 12 күнүгэр диэри ылыллаллар. Сайаапканы сэргэ доруобуйа харыстабылыгар социальнай суолталаах бырайыагы киллэрэр булгуччулаах.

Усулуобуйалары сиһилии  https://cloud.mail.ru/public/9WGU/nZuiPaYdJ сыылканан киирэн уонна +79142707066 төлөпүөҥҥэ эрийэн билсиэххэ сөп.

Манна даҕатан эттэххэ, былырыын өрөспүүбүлүкэтээҕи II куонкуруска кыттааччылар 10 социальнай бырайыагы көмүскээбиттэрэ. Кыайыылааҕынан искэни эмтиир өрөспүүбүлүкэтээҕи диспансер анестезиолог-реаниматолога Тимофей Григорьев тахсыбыта. Кини искэннээх ыарыһахтары эмтээһин уонна олохторун хаачыстыбатын тупсарыыга анаммыт «Эн соҕотох буолбатаххын» бырайыагын билиһиннэрбитэ.

Надежда ЕГОРОВА, «Саха сирэ» хаһыат, edersaas.ru

#бүгүн: 1
2
1

Сайт матырыйаалларын ааптар көҥүлэ суох ылар бобуллар.