Өрөспүүбүлүкэ киин куоратыгар сыллата олорор дьиэни тутуу ахсаана элбиир. Ол эрээри үгүс дьиэ докумуона кыайтарбакка, үлэҕэ киллэриллэн быстыбакка, атыыласпыт дьон сылы-сыллаан кэтэһэллэригэр тиийэллэр.
Анивера Акимова, «Саха сирэ» хаһыат, https://edersaas.ru/
Тутааччылар үгүс өттүгэр электричество уотунан туһаныыга үлүгэрдээх иэскэ-күүскэ киирэллэр. «Якутскэнерго» ПАУо исписэлиистэрэ иһитиннэрбиттэринэн, Дьокуускай куоракка 9 хампаанньа тута тура олорор дьиэлэрэ электричество уотуттан матар чинчилэннилэр. Ол курдук бу хампаанньалар уотунан уонна ититиинэн туһаныыга уопсайа 11 мөл. солк. тахса иэскэ баайыллан олороллор. Иэстэрин төннөрбөт түгэннэригэр, үлэлэрэ тохтоон, тутуу үлэҕэ киириитэ биллибэт болдьоххо уһуон сөп.
Аҥардас, «Алмазинвестстрой» ХЭТ энергетическэй хампаанньа иннигэр 2,4 мөл. солк. иэстээх. Жорницкай уулуссатын 7/33 аадырыһыгар баар элбэх кыбартыыралаах дьиэтигэр иэһин төлөһө илик. Олохтоохтор номнуо кыбартыыраларыгар көһөн, малааһын остуолун тэрийэн эрэллэр эрээри, официальнай докумуоҥҥа олоҕуран, дьиэ үлэҕэ киирэ илик. Онон тутааччы иэһин төлөөтөҕүнэ биирдэ, дьиэ үлэҕэ киллэриллэн, хаһаайыттар бас билии докумуонун ылыахтара. Иккиһинэн, энергетическэй хампаанньа, уоту араарар бырааптаах.
Анивера Акимова, «Саха сирэ» хаһыат, https://edersaas.ru/