«Игра престолов» суруйааччыта Джордж Мартиҥҥа саха быһаҕын уонна аһылыгын бэлэхтиэхтэрэ (ВИДЕО)
Дьокуускай олохтооҕо Сахаяна Санкт-Петербурга «Игра престолов» диэн аатырбыт сериал кинигэтин суруйааччытын кытта көрсүһүүгэ барыахтаах. Маныаха кини Саха сиригэр олорор «Игра престолов» фанаттарын аатыттан бэлэх оҥоруон баҕарарын Твиттерыгар суруйбутун элбэх киһи өйөөбүт. Сахаяна edersaas.ru сайт суруналыыһыгар маннык кэпсээтэ:
— Мин Мартин фанаттарын кытта көрсүһүүтүгэр бараары сылдьабын. Дьон 2300 солк.ыытта. Онон суруйааччы кэргэнигэр анаан сахалыы ытарҕа ыллыбыт, бэйэтигэр саха быһаҕын бэлэхтиэхпит. Твиттерга биллэрии суруйбуппар элбэх киһи интэриэһиргээтэ, биир уол саха быһаҕын ылан ыытта. Эбии копченай балык, ас амсатыахпыт. Мартин оннук аһылыгы сөбүлүүр эбит. Бэйэм «Игра престолов» сериалы сөбүлээн көрөбүн, уоппускабар Питерга бараары сылдьабын, таарыччы Мартинныын көрсүһүүгэр аккредитацияланным.
