Билбэт киһигин эбэтэр саҥа билсибит дьоҥҥун кытта арыгы иһэр сэрэхтээх, күүппэтэх өттүттэн содуллаах буолуон сөп. Ону өйүн туппут киһи барыта билэр эрээри, олох устатыгар биирдэ эмит оннукка түбэһиэн сөп.
Өлүөхүмэ полициятыгар балыыһаҕа быһаҕынан анньыллыбыт киһи киллэриллибитин туһунан иһитиннэрбиттэр.
Оперативниктар суһал-ирдиир тэрээһиннэр кэмигэр ити буруйу оҥорууга уорбаланааччыны туппуттар — Булун улууһуттан төрүттээх 39 саастаах киһи эбит.
Барыллаан быһаарыынан, эмсэҕэлээччи бу кинилэр сэлиэнньэлэригэр тутууга үлэлии кэлбит киһилиин ити күн иннинэ билсибиттэр. Саҥа билсибит киһитэ кини ийэтин төрөөбүт дойдутуттан төрүттээҕин истэн, ону бэлиэтииргэ санаммыттар.
Ол бырааһынньыктыы олорон тыл-тылга киирсибэккэ, бурайсан турбуттар. Хоту дойдуттан сылдьар ыалдьыт олохтоох киһини быһаҕынан анньыбыт, онтон балыыһаҕа бэйэтэ илдьэ сатаабыт эрээри, сирин билбэт уонна улаханнык итирбит буолан, ол кыаллыбатах.
Онтон «суһал көмөҕө» эрийэн, уулуссаҕа хаан-сиин буолбут киһини булбутун туһунан эппит.
Бу чахчынан РФ Холуобунай кодексатын 111-с ыст. 1 чааһынан, ол эбэтэр, доруобуйаҕа ыарахан эмсэҕэлээһини соруйан оҥоруу бэлиэтэ баарынан, дьыала тэриллибитин туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.