Бүгүн, ол эбэтэр, муус устар 26 күнүгэр, Ил Дархан Егор Борисов “Саха” НКИХ ханаалыгар быһа эфиргэ тахсан нэһилиэнньэни интэриэһиргэтэр ыйытыыларга хоруйдуоҕа.
Аграфена КУЗЬМИНА, «Саха сирэ» хаһыат, edersaas.ru
Бүгүн сарсыардааҥҥы туругунан Ил Дархаҥҥа аадырыстанан, биир тыһыынчаттан тахса ыйытыы киирбит этэ. Дьон үксүн батсаап-нүөмэргэ суруйан ыыппыттар. Киэһээҥҥи биэриини суруналыыстар Олег Марков уонна Александра Охлопкова ыытыахтара. Быһа эфир кэмигэр устуудьуйаҕа кэлбит ыалдьыттар эмиэ ыйытыы биэриэхтэрэ, ону сэргэ өрөспүүбүлүкэ улуустарыттан быһа биэриилэр ыытыллыахтара.
Санатан эттэххэ, интэриэһиргиир боппуруостаргытын 508-221, 508-226, 508-228, 508-229 нүөмэрдэргэ эрийэн эбэтэр sprosi.borisova@mail.ru электроннай почтаҕа, 8-914-273-44-88 батсаап-нүөмэргэ суруйан ыытыаххытын сөп. Биэриини “Саха” НКИХ, “Саха24”, “Саха” радиотыгар уонна http://nvk-online.ru/online/, https://ysia.ru/ сайтарга киэһэ 19:00 чааска киирэн көрүөххүтүн, истиэххитин сөп.
Аграфена КУЗЬМИНА, «Саха сирэ» хаһыат, edersaas.ru