Бу күннэргэ Саха Өрөспүүбүлүкэтин Ил Дархана Егор Борисов Халыма улууһугар Березовка бөһүөлэгэр ууга барбыт дьону кытары уонна тутар этэрээттэр байыастарын көрүстэ.
Санаан ыллахха, ыам ыйын бүтүүтэ Орто Халыма улууһугар Халыма-Березовка үрэх уута эбиллэн, Березовка бөһүөлэк ууга барбыта. Ол курдук, уопсайа 18 олорор дьиэ, 4 хонтуора, 297 киһиттэн 112 оҕо ыксаллаах быһыыга-майгыга түбэстэ. Дьон-сэргэ түбүгэ кээмэйэ суох буолла. От ыйын 1 күнүттэн саҕалаан, 20 уоллаах «Дохсун» устудьуоннар тутар этэрээтэ көмөҕө тиийэн үлэлии сылдьар. Билигин кинилэр олорор дьиэлэри, оскуоланы, оҕо саадын уонна сынньалаҥ киинин чөлүгэр түһэрэ сылдьаллар. «Дохсун» тутар этэрээт бэлиэтииринэн, ууга барбыт дьон-сэргэ олус кытаанах санаалаахтар, ыарахантан толлубат дьон эбиттэр. Тутар этэрээттэр үлэлэрэ күргүөмнээхтик бара турар.
Николай Попов «Саха сирэ» хаһыат, edersaas.ru