“Эбиэт иннинэ өрөспүүбүлүкэтээҕи харах балыыһатын таһынан ааһан иһэн, киирэн көрөргө сананным. Көрдөрөөччүлэр туох санаалаахтарын билсэ”, – диэн суруйар Ил Дархан Егор Борисов бэйэтин Инстаграм страницатыгар.
edersaas.ru.
Ил Дархан балыыһаҕа эбиэт иннинэ сылдьыбыта. Бу кэмҥэ көрдөрөөччү ахсаана биллэ элбэх буолааччы. “Электроннай уочарат үчүгэйдик үлэлии турар. Көрдөрөөччүлэри кытары кэпсэттим. Кинилэр быраастар, медперсонал өттүттэн сыһыан биллэ тупсубутун этэллэр. Улахан үҥсүү-харсыы суох”, – диэн бэлиэтиир Егор Афанасьевич.
Манна даҕатан эттэххэ, былырыын Ил Дархан “Аламаҕай медицина” диэн ыйаах таһаарбыта. Билигин доруобуйа харыстабылын эйгэтигэр барытынан тарҕанна. Ол эрээри билигин да бу эйгэҕэ элбэҕи киллэриэххэ, саҥардыахха наада. “Билигин да медицина систиэмэтигэр элбэҕи тупсарыахтаахпыт”,– диэн түмүгэр суруйар.
Инстаграм-сурутааччылар Ил Дархаҥҥа Дьокуускайдааҕы үһүс поликлиникаҕа, Искэни эмтиир диспансерга сылдьарыгар суруйбуттар.
Аграфена КУЗЬМИНА, «Саха сирэ» хаһыат, edersaas.ru