Вице-премьердэр Петр Алексеев, Михаил Осипов уонна Алексей Дьячковскай дуоһунастарыттан босхолоннулар
Ил Дархан э.т. Айсен Николаев бэс ыйын 13 күнүнээҕи ыйааҕынан Бырабыыталыстыба бэрэссэдээтэлин бастакы солбуйааччылар Петр Николаевич Алексеев, Михаил Анатольевич Осипов уонна бэрэссэдээтэли солбуйааччы Алексей Прокопьевич Дьячковскай дуоһунастарыттан босхолоннулар.
Алексей Дьячковскиай бу дуоһунаска 2014 с. алтынньытыгар анаммыта. Араас сылларга экэниэмикэ сайдыытын миниистирин солбуйааччынан, суд.регистрация бырабылыанньатын салайааччытынан, социальнай сайдыы уонна үлэ миниистиринэн үлэлээбитэ.
Михаил Осипов бу дуоһунаһыгар 2018 с. муус устарыгар кэлбитэ. Ол иннинэ Саха сиринээҕи нолуок инспекциятын салайааччытынан үлэлээбитэ.
Петр Алексеев бастакы солбуйааччынан 2018 с. кулун тутарыгар анаммыта. Ол иннинэ тыа хаһаайыстыбатын уонна ас-үөл бэлиитикэтин миниистирэ этэ. Бырабыыталыстыбаҕа тыа хаһаайыстыбатын салаатын бэрийэрэ.
edersaas.ru