Ил Түмэҥҥэ мусуойдары тупсарыы үлэтин быһаарыстылар

Ааптар: 
Бөлөххө киир:

Бүгүн, ахсынньы 6 күнүгэр Ил Түмэн дьиэтигэр «Саха Өрөспүүбүлүкэтигэр мусуойдары сайыннарыы» тиэмэлээх Парламеҥҥа  истии буолла. Мунньаҕы наука, үөрэх, култуура, сонуну киэҥник тарҕатар сириэстибэлэр уонна уопсастыбаннай тэрилтэлэр дьыалаларыгар сис кэмитиэт бэрэссэдээтэлэ Антонина Григорьева иилээн-саҕалаан ыытта. Ыалдьыт быһыытынан Саха Өрөспүүбүлүкэтин дьокутааттара уонна Саха Өрөспүүбүлүкэтин министиэристибэлэрин, биэдэмистибэлэрин үлэһиттэрэ сырыттылар. edersaas.ru  

Мунньахха  Ил Түмэн мусуойдар үлэлэрин тупсарарга  ылыммыт уурааҕын ырытыы буолла. Мунньах кыттыылаахтара мусуой үлэтин сайыннарар туһугар араас үлэлэри мэктиэлээтилэр. Ол курдук, Саха Өрөспүүбүлүкэтин Култууратын уонна духуобунай сайдыытын министиэристибэтэ мусуойдарга баар экспонаттары харыстыыр систиэмэни тупсарарга эбии үбү, мусуойдарга саҥа тиэхиньикэни, мусуой үлэһиттэрин таһымын үрдэтэр үлэни ыытары, 2018 сыл ахсынньы бастакы күнүгэр диэри оскуолалар мусуойдарын пааспардааһын үлэтин түмүктүүрү, улуустар мусуойдарын интэриниэтинэн хааччыйыыны уонна мусуойдар экспозицияларын тупсарар үлэлэри ыытары туруорустулар.

Санатан эттэххэ, Саха Өрөспүүбүлүкэтэ Уһук Илиҥҥэ мусуойун ахсаанынан маҥнайгы миэстэни ылар. Бүгүҥҥү күҥҥэ өрөспүүбүлүкэҕэ 8 Судаарыстыбыннай мусуой үлэлии турар.

Николай Попов, «Саха сирэ» хаһыат, edersaas.ru 

+1
0
+1
0
+1
0
+1
0
+1
0
+1
0
+1
0