Бүлүү улууһугар уонна өрөспүүбүлүкэҕэ “Илгэ” потребительскай уопсастыба биир улахан тэрилтэнэн буолар. Тэрилтэбит бу үлэлээбит сылларыгар нэһилиэнньэни аһынан-таҥаһынан хааччыйан кэллэ. Былааны толорууга “Холбос” тиһигэр, Арассыыйаҕа, өрөспүүбүлүкэҕэ куруук миэстэлэһэбит уонна инники күөҥҥэ сылдьабыт.
edersaas.ru
Бу ситиһиилэр, көрдөрүүлэр тэрилтэ кэлэктиибэ биир санаанан, күүстэрин холбоон үлэлииллэриттэн тутулуктаах. Сүүрбэһис үйэ ирдэбилинэн кэнники сылларга саха технологиялар, бырагыраамалар киириилэригэр сөп түбэһиннэрэн, “Илгэ” потребуопсастыба исписэлиистэрэ олорон хаалбакка, кэмигэр саҥа ньыманы олоххо киллэрэн иһиилэрин түмүгэр ити барыта ситиһилиннэ.
Маҕаһыыннарбытыгар интэриниэт, ОФД, Меркурий тиһигэ уонна терминал холбонон үлэлииллэр. 11 маҕаһыын саҥа “1 С торговля” 8 версиятын компьютер бырагырааматыгар уонна “Онлайн” каассаҕа үлэлии олороллор. Ол иһигэр арыгы атыылыыр 4 маҕаһыын ЕГАИС (Единая государственная автоматизированная информационная система) бырагырааманы туттан үлэлиир.
Остолобуойбут эмиэ “1 С бырагыраама” 8 версиятынан үлэлиир. Манна бэйэ оҥорон таһаарар бородууксуйата сылын аайы тупса турар. Былырыыҥҥыттан суши-бар, пицца оҥорор сыах аһыллан үлэлээтэ.
Бүлүү куоракка үлэлии турар бэкээринэ сууккаҕа 2-2,5 туонна килиэби уонна ону таһынан 30 араас кондитерскай оҥоһуктары оҥорор. Ыйга ортотунан 67 туонна килиэп уонна бурдук араас аһылыга астанан нэһилиэнньэҕэ тиэрдиллэр. Бэкээринэ Бүлүү куораты уонна чугастааҕы алта нэһилиэги хааччыйар, 1 С 8 оҥорон таһаарыы бырагырааматынан үлэлиир. Бэкээринэбит, остолобуойбут, маҕаһыыннарбыт гаас оттугунан ититиллэрин ситистибит.
“Холбос” респотребсойуус тэриллибитэ 100 сылынан өрөспүүбүлүкэ кэпэрээтэрдэрин итиитик-истиҥник эҕэрдэлиибит!
Бүлүүтээҕи “Илгэ” потребуопсастыба кэлэктиибэ, бырабылыанньата, сэбиэтэ, идэлээх сойууһа