Инбэлиит оҕотуттан арыгылыырын ордорбут

Ааптар: 
Бөлөххө киир:

Сунтаар улууһун борокуратуурата сокуоннай саастарын ситэ илик оҕолор бырааптарын уонна интэриэстэрин тутуһууну бэрэбиэркэлээтэ. 

edersaas.ru

Ол бэрэбиэркэ кэмигэр биллибитинэн, К. диэн дьахтар бэйэтин көрүнэр кыаҕа суох инбэлиит оҕотун үчүгэйдик көрбөт-истибэт эбит. Сэтинньи ыйга оҕотун соҕотохтуу хаалларан, олох даҕаны үс күҥҥэ арыгылыы баран хаалбыт.

Социальнай үлэһиттэр бэрэбиэркэлээбиттэрэ — оҕо аһыыр аһа да суох эбит, подгузниктара да ылыллыбатахтар. Эгэ, эмтэри атыылаһан оҕотун эмтиэ баара дуо, суох буоллаҕа.

Оҕотун көрбөтүн иһин бу ийэ буолуохсут хаста даҕаны административнай эппиэккэ тардылла сылдьыбыт эрээри, долоҕойугар сонон тиэрдибэтэх.

Ол иһин силиэстийэ уорганнара борокуратуура матырыйаалларыгар олоҕуран, РФ Холуобунай кодексатын 156-с ыстатыйатынан холуобунай дьыала тэрийдэ. Ол эбэтэр, төрөппүт оҕотун иитэр эбээһинэстэрин сөптөөхтүк толорботун иһин.

Бу дьыаланы силиэстийэлээһин хайдах баран иһэрэ борокуратуура хонтуруолугар сылдьарын туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0