close
Ини-бии Даниловтарга аналлаах
Култуура - Олох-дьаһах

Ини-бии Даниловтарга аналлаах

Муус устар 21 күнүгэр Саха Өрөспүүбүлүкэтин киин куоратыгар Дьокуускайга саха норуодунай бэйиэтэ Семен Данилов төрөөбүтэ 100, саха норуодунай суруйааччыта Софрон Данилов төрөөбүтэ 95 сылларыгар аналлаах тэрээһиннэр саҕаланнылар.

Татьяна МАРКОВА, «Саха сирэ» хаһыат, edersaas.ru


Ол курдук, биир дьоһуннаах түгэнинэн, күнүс 15 чаастан куорат хабыллар хаба ортотугар — Ленин проспегын 36 N-дээх дьиэтин иннигэр, Семен Петрович уонна Софрон Петрович олорбут, айбыт, дьиэ кэргэттэрэ билигин да олорор дьиэлэрин аттыгар, элбэхтик хаампыт,  сылдьыбыт сирдэригэр, ини-бии Даниловтар сквердэрин тутууну саҕалааһыны дьоҥҥо-норуокка иһитиннэрии буолла. Бырайыак ааптара худуоһунньук-скульптор, РФ худуоһунньуктарын Сойууһун чилиэнэ, СӨ Духуобунаһын академиятын дьиҥнээх чилиэнэ Семен Прокопьев.

Семен Петрович Данилов мемориальнай дуоскатыгар — сибэкки дьөрбөтө.

Үөрүүлээх тэрээһиҥҥэ баһылык Никита Андреев салайааччылаах Горнай улууһун дэлэгээссийэтэ, СӨ Култууратын, духуобунай сайдыытын миниистирин солбуйааччы Марина Силина,  СӨ Ытык Сүбэтин Бэрэссэдээтэлэ Люлия Григорьева, медицинскэй наука доктора, ХИФУ профессора Карл Башарин, о.д.а. кыттыыны ыллылар, тыл эттилэр.

Биир ыалтан икки саха норуодунай суруйааччыта, М.Горькай аатынан РФ судаарыстыбаннай бириэмийэтин лауреаттара үүнэн тахсыылара, норуот, уопсастыбаннас, ааҕааччы киэҥ билиниитин уонна тапталын ылыылара – бу ураты көстүү, киһи эрэ сүгүрүйэр, ытыктыыр чахчыта.

Дьокуускайга ини-бии Даниловтарга пааматынньык туруоҕа.

Инникитин бу сквергэ саха норуотун чаҕылхай уолаттарыгар – талааннаах суруйааччыларга ини-бии Семен, Софрон Даниловтарга пааматынньык туруоҕа.

 

Татьяна МАРКОВА,»Саха сирэ» хаһыат, edersaas.ru

Ааптар хаартыскаҕа түһэриилэрэ.

 

 

0
0

Сайт матырыйаалларын ааптар көҥүлэ суох ылар бобуллар.
Facebook
Facebook
Instagram
GOOGLE
http://edersaas.ru/ini-bii-danilovtarga-anallaah/

Санааҕын хааллар

INSTAGRAM ЛЕНТАТА

Instagram батыһан бар