Мэҥэ Хаҥалас оройуонугар саанан ытыллан олохторо быстыбыт икки киһи өлүгүн буллулар. Манна холуобунай дьыала тэрилиннэ.
Силиэстийэ быһаарбытынан, атырдьах ыйын 14 күнэ үүнэр түүнүгэр Лоомтука сэлиэнньэтиттэн 30 км.тэйиччи баар Хомпу диэн сиргэ отчуттар дьиэлэригэр олохтоохтор арыгылаабыттар. 32 уонна 24 саастаах ини-биилэр итирэн айдаарсыы кэнниттэн 4 эр киһини саанан ытыалаабыттар. Икки киһи быһылаан буолбут сиригэр тута олохторо быстыбыт. Биир киһи хараҥаҕа куотан, быһылаан туһунан ис дьыала үлэһиттэригэр биллэрбит. Өссө биир эчэйбит киһи ыараханнык бааһырбыт. Кинини силиэстийэлиир бөлөх булбут уонна оройуоннааҕа киин балыыһаҕа диэри тиэрдибит.
Билигин уорбаланааччылары туттулар. Силиэстийэ үлэтэ саҕаланна.
СИА
+1
+1
+1
+1
+1
+1
+1