Интеллектуальнай оонньууларга 350 волонтер үлэлиэҕэ

Ааптар: 
Бөлөххө киир:

Бу сайын Дьокуускай куоракка буолар норуоттар икки ардыларынааҕы интеллектуальнай оонньууларга уопсайа 350 волонтер үлэлиэхтээх диэн суруйан турабыт. СӨ Ыччат дьыалатын уонна дьиэ кэргэн бэлиитикэтин министиэристибэтэ иһитиннэрэринэн, билигин 200 волонтер талыллыбыт.  


Санатан эттэххэ, хас биирдии волонтер сүүмэрдиир түһүмэҕи аастаҕына талыллар. Горнайтан, Ньурбаттан, Бүлүүттэн, Үөһээ Бүлүүттэн, Уус Алдантан, Ленскэйтэн, Алдантан, Тааттаттан, Амматтан, Чурапчыттан, Өлүөхүмэттэн, Уус Маайаттан, Кэбээйиттэн, Өймөкөөнтөн, Намтан, Хаҥаластан, Мэҥэ Хаҥаластан, Мииринэйтэн, Нерюнгриттан уонна Дьокуускайтан волонтердар талыллыбыттар. Маны таһынан, Сахалинтан уонна Амур уобалаһыттан кэлиэхтээхтэр. Кинилэри Дьокуускайдааҕы Тыа хаһаайыстыбатын академиятын уопсайыгар олордуохтара, күҥҥэ үстэ аһатыахтара, таҥаһынан хааччыйыахтара. Сүүмэрдээһин билигин да салҕанар.

Николай ПОПОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0