Интэриниэтинэн атыылаһаары, отоойкоҕо олорбут

Ааптар: 
Бөлөххө киир:

Билиҥҥи кэмҥэ маҕаһыыннары, атыы-эргиэн дьиэлэрин кэрийбэккэ, ол-бу табаары интэриниэтинэн атыылаһыы сайдыбыт кэмэ. Онуоха манна эмиэ болҕомтолоох, сэрэхтээх буолуу ирдэнэр. 

edersaas.ru


Буолаары буолан, Саҥа дьыллааҕы бэлэхтэри көрдөөһүн кэмигэр. Сылын аайы уоруйахтар, түөкүннэр бу кэмҥэ хаһааҥҥытааҕар да «бэргииллэрин» полиция холуобунай ирдэбилин оперативниктара бэлиэтииллэр. Билигин бары социальнай ситимнэринэн араас табаары рекламалааһын элбээбит. Ону таба туһанар угаайылаах өйдөөх түөкүттэр, дьэ, «тиллибиттэр».

Бу күннэргэ кинилэр сиэртибэлэринэн 27 саастаах кыыс буолбут. Ол туһунан Дьокуускай куорат полициятыгар эмсэҕэлээччи бэйэтэ сайабылыанньа суруйбут. Кыыс быһаарбытынан, кини табаардарын дойду араас муннугар тиэрдэр интэриниэт-маҕаһыыны үтүктүбүт сымыйа маҕаһыын «атыылааччыларыгар» киирэн биэрбит. Ону кини 9 тыһ. тахса суумманы баанын каартатыттан устубуттарыгар биирдэ өйдөөбүт.

СӨ ИДьМ-тын пресс-сулууспата:

— Убаастабыллаах гражданнар! Түөкүттэр эһиги дьиэҕититтэн, үлэлиир сиргититтэн тахсыбакка эрэ, буолаары буолан, чэпчэтиллибит сыананан табаары интэриниэтинэн атыылаһар баҕалааххытын бэркэ диэн билэллэр, онон туһаналлар. Бука диэн, болҕомтолоох буолуҥ! Бэйэ көлөһүнүнэн булбут харчыгытын чиэһинэйэ суох дьоҥҥо уган биэримэҥ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0