close

Израильга — бирилийээн аукциона
Олох-дьаһах - Экэниэмикэ

Израильга — бирилийээн аукциона

Элбэх дьон быыһыгар киһи төһө үптээҕин-харчылааҕын көрдөрөр, кыаҕын биллэрэр, дьахтар аймах кэрэ быһыытын-таһаатын киэргэтэр, нарын тарбаҕар ыраахтан чаҕылыйар, маҥан моонньугар сүүһүнэн күлүмүрдэс сардаҥаларынан кустуктана суһумнуур бирилийээн киэргэлгэ аан дойду үрдүнэн интэриэс уҕараабат.

edersaas.ru

Быйыл үһүс төгүлүн Израильга күлүмүрдэс күндү таас аукциона сэтинньигэ буолан ааста. Халыҥ харчы хамсыыр, үтүмэн үп эргийэр тэрээһинигэр АХШ, Бельгия, Гонконг, Индия, Арассыыйа, Израиль хампаанньалара кыттыыны ыллылар.

Аан дойду үрдүнэн ал­­мааһы хостуур улахан хам­паанньа 5 карааттан үөһэ ­ыйааһыннаах дьэҥкир таастары, 1 караттан ыарахан дьэрэкээн суһумнаах бирилийээннэри киэҥ араҥа болҕомтотугар таһаарда. Ону таһынан, 0,3-0,99 карааттаахтар эмиэ аукциоҥҥа киирдилэр.

Уопсайа, «АЛРОСА» 370 карат ыйааһыннаах күндү таастары 2,9 мөл. дуолларга атыылаата. Онтон 314 караттааҕа бөдөҥ, өҥнөөх бирили­йээн.

«Израиль ырыынагар үгүс хампаанньалар 3 караттан ыарахан ыйааһыннаах, улахан таастарынан интэриэһиргииллэр. Ол иһин биһиги аукциоҥҥа 94 дьэҥкир уонна өҥнөөх таастары та­­һаардыбыт. Дьэрэкээн дьүһүннээх күлүмүрдэс бөдөҥ бирилийээннэри былдьаһыгынан ылаллар. Онон атыыбыт үчүгэйдик барда, бу ырыынак инникитин да кэскиллээҕэ көстөр», — диэн этэр Павел Винихин «АЛРОСА бирили­йээннэрин» дириэктэрэ.

Бу иннинэ хампаанньа Израильга 841 караттаах бирилийээн атыылаан, 4,7 мөл. дуоллары киллэрбитэ.

Марианна Тыртыкова, «Саха сирэ», edersaas.ru

 

#бүгүн: 2
0
0

Сайт матырыйаалларын ааптар көҥүлэ суох ылар бобуллар.

Мин санаам:

четырнадцать − 13 =