«ҮЙЭ» сурунаал саҥа нүөмэрэ — үүммүт нэдиэлэ саҥатыттан

Ааптар: 
Бөлөххө киир:

EDERSAAS.RU эрэллээх партнера – «ҮЙЭ» сурунаал саҥа нүөмэриттэн сорох интэриэһинэй суруйуулары (дьиҥэр, сурунаал хас биирдии матырыйаала умсугутуулаах, ааҕыллымтыа) билиһиннэрэр:

Аан дойду бары муннугар олохсуйбут саха омук сөбүлээн ааҕар сурунаалын кылаабынай редактора Николай Кривошапкин «ДУОҺУЙУУ» суоллааҕы бэлиэтээһинигэр, Гуам кэрэ арыытыгар (АХШ) умнуллубат айаныгар самолет ыыппытын туһунан кэпсиир:

«…Арай биир үтүө сарсыарда саҥа доҕотторбутугар, хайа да дойдуга тиийдэрбит, хайыы-үйэ үтүө үгэскэ кубулуйан, хатыланан иһэр баҕалаахпытын сэгэппиппитигэр, «хайаан да кыайыахпыт, сүрэхпит эрэйэрин сүһүөхпүт уйуо» диэбиппитин, таларбытыгар сүбэлээбиттэрэ: вертолет 4 км 200 м үрдүккэ көтүтэн күпсүтэн таһаарбытын кэннэ нууччалыы сатаан саҥарар гиды кытта тандемынан парашютунан ыстаныыны, ол иһигэр 30 сөкүүндэ устата салгыҥҥа туох да харысхала суох “дьаарбайыыны”, эбэтэр… бэйэҥ самолет ыытыыны…»

Спиридон Борбуев аата бүтүн Саха сирин үрдүнэн киэҥник биллэр. Кини Үөһээ Бүлүү улууһун баһылыгын солбуйааччытынан үрдүк таһымнаахтык үлэлээн, үөрэх управлениетын салайааччытынан анаммыта. «Биир ньыгыл Россия» партия Саха сиринээҕи салаатын толорооччу кэмитиэтин салайааччытын бастакы солбуйааччытын быһыытынан быйыл күһүн буолан ааспыт араас таһымнаах быыбардарга партия бастыҥ көрдөрүүнү ситиһэригэр олук уурсубута саарбаҕа суох. Спиридон Олегович туһунан «ҮЙЭ» киэҥник билиһиннэрэр.

Олоҥхо дойдута – Саха сирэ уонна сайдыы килбэйэр киинэ – Япония судаарыстыбата туох ситимнээхтэрий? Бу туһунан сурунаал саҥа нүөмэригэр анаарыы ааҕааччы болҕомтотун хайаан да тардыа.

Хаартыскаҕа: СР делегацията – Японияҕа. Эдинбург герцога, принц Филипп уонна СР Бастакы Президенэ Михаил Николаев кырачаан Ким Борисов хомустаан дьүрүһүтэрин астына истэллэр. Ким күн бүгүн – РФ Уһук Илиҥҥи федеральнай уокуругар СР Приморскай кыраайга бэрэстэбиитэлэ.

“…АХШ бэйэ суолун буларга барыларыгар тэҥ кыаҕы биэрэр. Бүттүүн  киһититтэн бэйэтиттэн тутулуктаах: тугу ситиһиэн баҕарара, туохха дьулуһара, сыала-соруга. Устудьуоннуур кэммэр куонкуруһу ааһан, Аляска тимир суолун корпорациятыгар специалиһынан киирбитим. Бастаан Үп департаменыгар, салгыы үүнэр-сайдар туһуттан атын салааҕа көспүтүм. Онно эмиэ тургутууну ааспытым. Инньэ гынан, 7 сыл бу хампаанньаҕа түбүгүрбүтүм. Россияттан сылдьарбын үлэһиттэр үгүстэрэ кэриэтэ билэллэрэ, сороҕор тылбаасчыт да быһыытынан ыҥыраллара. Инньэ гынан, бу эйгэҕэ тугунан да кэмнэммэт уопут бөҕө ылан, доҕоттордонон олоҕу атын харахпынан арыйбытым. Бэлиэтээбитим диэн, бастыҥнары араас үөрэх бырагырааматыгар мэлдьи стажировкаҕа ыыта сатыыллар. Саҥа толкуй үөскүүрүн туһугар тугу да кэрэйбэттэр. Оннук специалистар ахсааннарыгар хапсан, билиибин-көрүүбүн хаҥаппыппыттан олус үөрэбин. Үлэҕэ, үөрэххэ итинник дьүөрэлии сыһыан Саха сирин хампаанньаларыгар, тэрилтэлэригэр кэнники баар буолла. Онон кэскилгэ дьоһуннаах хардыыга сирдиир саамай сөптөөхтүк баран иһэбит дии саныыбын…»

Америкаҕа ылбыт уопутун төрөөбүт дойдутугар көдьүүстээхтик туһанарга дьулуһар салайааччы – «Мисс Якутия-99» Юлиана Диряхованы кытта аһаҕас сэһэргэһиини сэргии ааҕыаххыт.

Соҕуруу Америкаттан төрүттээх саха график-худуоһунньуга Тереза Пачеко-Чавес – 2007 сылтан Россия Худуоһунньуктарын сойууһун уонна ЮНЕСКО ойуулуур-дьүһүннүүр ускуустубаҕа норуоттар икки ардыларынааҕы ассоциациятын чилиэнэ. Саха сиринээҕи, бүтүн Россиятааҕы уонна норуоттар икки ардыларынааҕы араас тиэмэлээх быыстапкаларга көтүппэккэ кыттар талааннаах уонна үрдүк таһымнаах маастар.  Кэлиҥҥи сылларга айар үлэтин быыстапкаларын туруоран, уус-уран хартыыналары кэрэхсээччилэр бастыҥ сыанабылларын, биһирэбиллэрин ылыан ылар. Атын кимиэхэ да майгыннаабат суоллаах-иистээх Тереза Чавес дьикти холусталара аар-саар үрдүнэн тарҕанан, сороҕо Сахалин уобалаһын Художественнай музейыгар, ону сэргэ, Россия, Англия, Америка, Франция, Бразилия чааһынай коллекцияларыгар бааллар.

Тереза Пачеко-Чавес – «ҮЙЭ» ыалдьыта.

Олоххо сонун көрүүлээх, ураты толкуйдаах эдэр дьоҥҥо «ҮЙЭ» аартыга куруук аһаҕас. А.А. диэн илии баттааһынынан санаатын ситимин киһини эрэ «һык» гыннарардыы тоҕо-хоро арыйар, ураннык суруйар саха бастыҥ ыччатын «Есть мнение» саҥа балаһата сурунаал күһүҥҥү таһаарыытыгар сүрэхтэнэр.

“…Могут ли в нашем мире все люди жить счастливо и благополучно или это удел пресловутого золотого миллиарда – жителей развитых стран? Если транслировать это на нашу республику и на Россию в целом, то относительно Москвы и центрального региона, все мы находимся на грани выживания. Но, если при Советах, все знали куда движется страна – к построению коммунизма и насаждению идеологии на весь мир, сейчас все мы становимся жертвами олигархата, позволяющего себе расходы никак не сопоставимые с возможностями обычного жителя необъятной. Печально, что в конечном итоге их деятельность сводится к выкачиванию природных ресурсов. Это позволяет нашей экономике функционировать, а жителям не умереть с голоду, но насколько все мы вносим свой вклад в основную идею цивилизации – выживанию человечества в условиях ограниченности ресурсов планеты?..”

“…Кини Литваҕа төрөөбүтэ. Саха сирин 10 саастааҕар көрбүтэ. Манна оскуоланы бүтэрбитэ, анал орто уонна ситэтэ суох үрдүк үөрэхтэммитэ. Сахалыы букатын үчүгэйдик билэрэ…”

“…Ити сырыттаҕына сүбэлээбиттэр: «Харса суох Сталиҥҥа бэйэтигэр суруй уонна үлэлэриҥ хаартыскаларын ыыт», — диэн. Аарон олоххо тардыһыытыттан, дьулууруттан сөҕөҕүн эрэ…”

Израильга олорор биллиилээх худуоһунньук, скульптор Аарон Априль туһунан эксклюзивнай матырыйаалы «ҮЙЭ» сонун нүөмэригэр булуоххут.

Үйэлэргэ сүппэт үйэлээх ааттар – Джон Рокфеллер, Владимир Высоцкай олохторун суолун, дьылҕаларын кэрдиистэрин аныгы саха хараҕынан анаарыылар сурунаал бу нүөмэригэр ордук бэлиэлэр, ааҕааччыны угуйар-ыҥырар аналлаахтар.

            «ҮЙЭ» саҥа нүөмэрин кэлэр нэдиэлэ саҥатыттан Саха сирин бары почтаҕа салааларыгар, бэчээт бородууксуйатын киоскаларыгар, кинигэ маҕаһыыннарыгар/маркеттарыгар буларга тиэтэйиҥ!

Норуот сурунаалыгар 2019 сыл I аҥарыгар сурутуу саҕаланна. Бу дьыл алтынньы 4-14 күннэригэр республика хас биирдии нэһилиэгин почтаҕа салааларыгар чэпчэтиилээх сурутууга кыттыһан, «ҮЙЭ-ни» кытта куруук бииргэ буолуҥ. Сурутуу индексэ: 54890.

Ааҕыҥ, кэрэхсээҥ, сурутуҥ!

+1
0
+1
0
+1
0
+1
0
+1
0
+1
0
+1
0