Ааспыт сылга Өймөкөөн улууһун 21 урбаанньыта судаарыстыбаттан көмө ылла.
Елена ПОТОЦКАЯ, «Саха сирэ» https://edersaas.ru/
— Бу хайа да сыллааҕар улахан ситиһии. Уопсайа улууска 30 сайаапка киирбититтэн үгүстэригэр харчынан өйөбүл оҥоһулунна, — диэн кэпсиир улуустааҕы муниципалитет иһинэн урбаанньыттары өйүүр салаа исписэлииһэ Анатолий Захаров.
Дьоһуннаах өйөбүл Предпринимательство министиэристибэтин уонна улуус муниципалитетын икки ардыларыгар сөбүлэсиһии түһэриллэн ситиһилиннэ. Уопсайа өрөспүүбүлүкэ бүддьүөтүттэн 1 мөл. 663 060 солк. тыырыллыбытыттан үбүлээһини социальнай хайысхалаах өҥөнү оҥорооччуларга, олохтоох аһы-үөлү оҥорон таһаарааччыларга уонна бэйэ дьыалатын арыммыт саҥа саҕалаан эрэр урбаанньыттарга оҥордулар. Үбүнэн өйөбүлү туһаммыттартан улуус киинигэр Уус Ньараҕа үлэлиир социальнай хайысхалаах өҥөнү оҥорор 7 урбаанньыт-парикмахеры бэлиэтиэххэ сөп. Улуус муниципалитета бизнес эйгэтигэр бэйэ дьыалатын саҥа саҕалаан эрэр урбаанньыттары эмиэ улаханнык өйөөтө. Олохтоох бородууксуйаны оҥорон таһаарар — биэс, сылгы иитэр үс урбаанньыт тустаах өйөбүлүнэн эмиэ туһаннылар.
Сыыппара
Улуус бүддьүөтүттэн үбүнэн өйөбүл:
681 290 солк. – саҥа саҕалыыр урбаанньыттарга;
950 000 солк. – социальнай хайысхалаах өҥөнү оҥорор урбаанньыттарга;
20 31770 солк. – олохтоох бородууксуйаны оҥорон таһаарааччыларга.