Улуустааҕы киин балыыһа кылаабынай бырааһа Владимир Коголь оройуоннааҕы волейбол федерациятын салайыаҕыттан ыла Өймөкөөҥҥө спортивнай олох күөстүү оргуйар.
Елена ПОТОЦКАЯ. «Саха сирэ», edersaas.ru
«Ааспыт сыл сэтинньи уонна ахсынньы ыйдарыгар улуус киинин Уус Ньара уонна тыа сирин биэс нэһилиэгин волейболистара өрөбүл аайы Томторунан, Өймөкөөнүнэн уонна Үчүгэйинэн сылдьан күрэхтэстилэр. Саҥа үүммүт сыл саҥатыгар волейболга күрэхтэһиилэр аны Сордоҥнооххо, Төрүккэ уонна Уус Ньараҕа ыытыллыахтара. Бу маннык күрэхтэһиилэри тэрийэр буолан, улуус волейболистара бэйэ-бэйэбитин кытта бэркэ доҕордостубут, сомоҕолостубут. Кулун тутартан күүстээх хамаанда тэринэн, аны ыаллыы сытар “Халыма” трассатын улуустарынан күрэхтэһэ айанныахпыт«, — диэн кэпсиир Өймөкөөн улууһун волейболга федерациятын толорооччу дириэктэрэ, эмчит идэлээх Вадим Рожкован.
Ити курдук, Өймөкөөн улууһугар олорор 53 араас омук бэрэстэбиитэллэрэ чөл олоҕу тутуһан, табаарыстыы күрэхтэһиилэри ыыталлар.
Елена ПОТОЦКАЯ, «Саха сирэ» хаhыат, edersaas.ru