Бүгүн Өймөкөөн улууһугар кыһыҥҥы туризм бэстибээлэ аһылынна. Өймөкөөн сиригэр бу тэрээһин быйыл 17-с төгүлүн ыытыллар. Тэрийээччилэр бэлиэтииллэринэн, олус элбэх турист Францияттан, Германияттан, Кореяттан, Кытайтан кэлбиттэр. Москваттан, Ульяновскайтан, Карелияттан, Казахстантан уонна өрөспүүбүлүкэ араас улуустарыттан бааллар. Бэстибээлгэ 300-чэкэ ыалдьыт кэллэ.
Елена Потоцкая, «Саха сирэ» хаһыат, edersaas.ru
Сүрүн суолталаах тэрээһининэн Дьокуускай куорта мэрэ Айсен Николаев уонна СӨ Инвестицияҕа уонна предпринимательствоҕа миниистирэ Антон Сафронов, Өймөкөөн улууһун баһылыга Михаил Захаров Өймөкөөҥҥө туризмы сайыннарыыга илии баттаһыылара буолла.
Сарсын Өймөкөөн улууһугар предпринимательствоны, туризмы сайыннарыыга аналлаах «төгүрүк остуолу» Антон Сафронов тэрийэн ыытыаҕа. Онно аһаҕас кэпсэтиигэ кэскиллээх боппуруостар көрүллүөхтэрэ.
Бэстибээл чэрчитинэн 6-с төгүлүн ралли-рейд күрэхтэһии буолла.
Антон Сафронов: «Муус оҥоһуктаах бырайыактары сайыннарыахпыт»