close
Күөх төлөн төлкөтүн түстээбит сахаттан маҥнайгы идэлээх инженер...
Олох-дьаһах

Күөх төлөн төлкөтүн түстээбит сахаттан маҥнайгы идэлээх инженер

Саха сиригэр гаас хаһаайыстыбатын акылаата 1967 сыл сэтинньи 14 күнүгэр ууруллубута. Онон гаас оттук туһаныы  үйэ аҥаардаах үбүлүөйэ бүгүн туолбутунан ааҕабын”, диир өрөспүүбүлүкэ норуотун хаһаайыстыбатын үтүөлээх үлэһитэ, философия билимин дуоктара, профессор Лазарь Филиппов. Итиэннэ Лазарь Степанович тымныы, уһун кыһыннаах дойдуга күөх төлөн күүһүн аан маҥнай туһаҕа таһаарыы эмиэ да күчүмэҕэй, эмиэ да кэрэхсэбиллээх түгэннэриттэн ойута тардан ахтан-санаан ааста.

edersaas.ru

В.В.Куйбышев аатынан Москватааҕы тутуу инженердэрин бэлэмниир институкка теплогазоснабжение уонна вентиляция факультетын туйгуннук үөрэнэн бүтэрбит, сахаттан маҥнайгы гаас идэлээх эдэр исписэлииһи 1965 сыл атырдьах ыйыгар Дьокуускай куоракка тутулла турар гаас хаһаайыстыбатыгар дириэктэринэн аныыллар. Эдэр исписэлиис сыл эрэ анараа өттүгэр тэриллибит, дириэктэрдиин 3 үлэһиттээх дириэксийэни тутар. Итиэннэ сөптөөх каадыры сүүмэрдээн, Геннадий Гурьяновы, Валерий Иванову уонна трест тэриллибитин кэннэ 1968 с. Александр Лукины үлэҕэ ылаттыыр.

 “Бу курдук Саха сирин нэһилиэнньэлээх пууннарын гаастааһыҥҥа түөрт эдэр инженер күүспүтүн холбоон, бастакынан туруммуппут, – диир Лазарь Степанович. – Уһук хоту ирбэт тоҥ усулуобуйатыгар 1,5 м дириҥҥэ сири хаһан, гаас утаҕын ууруу аан дойду үрдүнэн суох уопут этэ. Онуоха эбии эргэ Дьокуускай турар сирэ дьэбэрэ уонна халыҥ култуурунай араҥалаах буолан, кэккэ уустуктары тосхойбута…”

Эдэр, саҥа салайааччы иннигэр Өктөөп өрөбөлүүссүйэтин 50 сылын көрсө, ол эбэтэр 1967 сыл сэтинньи 7 күнүгэр Дьокуускай куораты гаас оттугу туһаныыга бэлэм оҥорор улахан соругу туруорбуттара. Кини кэлэригэр Дьокуускай иһигэр биир да миэтэрэ ситим тардылла илигэ. Икки сыл иһинэн киин куорат гаас оттугу туһанарга бэлэм буолбута.

Ыспыраапка

1967 сыл сэтинньи 14 күнүгэр САССР Миниистирдэрин Сэбиэтин уурааҕар олоҕуран, Дьиэ-уот коммунальнай хаһаайыстыбатын министиэристибэтэ Дьокуускай уонна Алдан куораттардааҕы гаас хаһаайыстыбаларын үлэлэтэргэ Якутскмежрайгаас» треһи тэрийэр туһунан  бирикээс таһаарбыта.  Бу тэрилтэ бастакы управляющайынан Л.С.Филиппов анаммыта.

(Сиһилии «Саха сирэ» хаһыат б.дь. сэтинньи 15 күнүнээҕи нүөмэригэр ааҕыҥ).

Василий НИКИФОРОВ, edersaas.ru 

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

4 + 13 =

INSTAGRAM ЛИЭНТЭТЭ

Instagram батыһан бар