Бүгүн «Триумф»спорт комплексыгар бэс ыйын 12-14 күннэригэр Ингушетия Назрань куоратыгар ыытыллыбыт көҥүл тустууга Арассыыйа чөмпүйэнээтин тула кэпсэтии буолла.
edersaas.ru
Манна 61 киилэҕэ иккис миэстэни ылбыт Виктор Рассадины, 57 киилэҕэ боруонса мэтээли ылары ситиспит Дмитрий Аксеновы уонна кыргыттарга 58 киилэҕэ боруонсаны ылбыт Алина Казимованы эҕэрдэлээтилэр, уу харчынан наҕараадалаатылар. Ону сэргэ, тустууну сэҥээрээччилэр ааттарыттан Дмитрий Аксеновка үрүҥ көмүс куру, саха быһаҕын бэлэх ууннулар.
—Бу Арассыыйа чөмпүйэнээтэ уолаттарбытыгар улахан стимул биэрдэ. Аны атырдьах ыйын 21-27 күннэригэр Францияҕа Париж куоракка ыытыллар аан дойду чөмпүйэнээтигэр үрдүк ситиһиилэри көрдөрүөхтэрэ диэн бүк эрэнэбит, — диэтэ тустуу сүрүн тириэньэрэ Владимир Кириллин. Спортсменнар суоллара арыллан, тустуулара табыллан, ситиһиилэнэн иһэллэригэр баҕарда.
Айталы ТАРАБУКИНА, edersaas.ru
+1
+1
+1
+1
+1
+1
+1