Көҥүл тустууга Арассыыйа чемпионата: 61 киилэҕэ лидердэр кимнээхтэрий?

Бэс ыйын 12-14 күннэригэр Ингушетия өрөспүүбүлүкэтигэр Назрань куоракка көҥүл тустууга Арассыыйа чөмпүйэнээтэ буолар. Ол курдук, быйылгы чөмпүйэнээккэ Саха өрөспүүбүлүкэтин хамаандата 61 киилэҕэ күүскэ эрэнэр чаҕылхай уолаттардаах. Онон, 61 киилэҕэ киирсэр лидер бөҕөстөрү көрүөххэ.

1. Виктор Рассадин (СӨ) — аан дойду устудьуоннарга чөмпүйэнээтин кыайыылааҕа (2016), Арассыыйа чөмпүйэнээтин үрүҥ көмүс (2016) уонна боруонса (2014) мэтээлин хаһаайына, «Иван Ярыгин» Гран-при турнирын боруонса мэтээлин хаһаайына (2017).
2. 
   

   ---

   Егор Пономарев (СӨ) — Арассыыйа чөмпүйэнээтин кыайыылааҕа (2017), Арассыыйа чөмпүйэнээтин үрүҥ көмүс призера (2014), «Иван Ярыгин» Гран-при турнирын боруонса мэтээлин хаһаайына (2015).

   ---

3. Ньургун Скрябин (СӨ) — Арассыыйа чөмпүйэнээтин боруонса призера (2016), Гран- при Иван Ярыгин турнирын кыайыылааҕа (2016).
   

   ---

4. Ахмед Чакаев (Дагестан) — Аан дойду чөмпүйэнээтин боруонса призера (2016), Европа чөмпүйэнээтин үрүҥ көмүс призера (2017), Арассыыйа чөмпүйэнээтин боруонса призера (2015), «Иван Ярыгин» Гран-при турнир кыайыылааҕа.
   

   ---

5. Джамал Отарсултанов (Москва) — Олимпиада кыайыылааҕа (2012), Европа чөмпүйэнээтин үс төгүллээх кыайыылааҕа (2008, 2011, 2012),  Арассыыйа чөмпүйэнээтин икки төгүллээх кыайыылааҕа (2008, 2012).
   

   ---

6. Гаджимурад Рашидов (Дагестан) — Европа чөмпүйүөнэ (2016), Арассыыйа чөмпүйэнээтин боруонса призера (2015), «Иван Ярыгин» Гран-при  үрүҥ көмүс призера (2017).
   

   ---

7. Исмаил Мусукаев (Дагестан) — Арассыыйа чөмпүйэнээтин үрүҥ көмүс призера (2015), «Иван Ярыгин» Гран-при  турнирын үрүҥ көмүс призера (2015)
   

   ---

Богомоев быйыл киирсибэт

Бүрээт бөҕөһө үс төгүллээх Арассыыйа чөмпүйэнээтин кыайыылааҕа Александр Богомоев  ый анараа өттүгэр доруобуйатынан күүскэ эмсэҕэлээн, бу чөмпүйэнээккэ кыттыбат. Александр Богомоев түргэнник үтүөрэн улахан көбүөргэ төннүө диэн көҥүл тустуу сэҥээрээччилэрэ бигэ эрэллээхтэр. 

Маны таһынан, 61 киилэҕэ аан дойду чөмпүйүөнэ (2013) Бекхан Гойгереев, Арассыыйа чөмпүйэнээтин боруонса призера (2012) Рустам Абдурашидов, эдэр кэскиллээх Начын Куулар, Кежик Чымба уонна саха норуотун эрэлэ Вячеслав Ефремов кыттыахтара. Бу бөҕөстөр лидердэргэ улахан утарсыы оҥорор кыахтаахтар.

  Арассыыйа чөмпүйэнээтигэр уон бастыҥ көрдөрүүлээх тустууктар:

Россия чөмпүйэнээтэ-2016. Дьокуускай. 1. Егор Пономарев (СӨ); 2. Виктор Рассадин (СӨ) 3. Вячеслав Ефремов (СӨ) 3. Ньургун Скрябин (СӨ) 4. Шарастепанов Даша (Бурятия) 5. Егорочкин Максим (Орловскай уобалас) 7. Тертерян Геворг (Краснодарскай кыраай) 8. Караханов Рустам (Москва- Дагестан) 9. Абакаров Зелимхан (Московксай уобалас) 10. Владимир Флегонтов (СӨ).

Россия чөмпүйэнээтэ-2015. Каспийскай. 1. Александр Богомоев (Бурятия); 2. Джамал Отарсултанов (Москва); 3. Гаджимурад Рашидов (Дагестан); 3. Рустам Абдурашидов (Дагестан); 5. Бато Бадмаев (Бурятия); 5. Начын Куулар (Красноярск); 7. Шамхал Хизриев (Дагестан); 8. Ньургун Скрябин (СӨ); 9. Муршид Муталимов (Дагестан); 10. Шамиль Омаров (Дагестан).

Россия чөмпүйэнээтэ-2014. Дьокуускай. 1. Александр Богомоев (Бурятия); 2. Егор Пономарев (СӨ); 3. Бекхан Гойгереев (Дагестан); 3. Мурад Нухкадиев (Красноярск); 5. Виктор Банзаракцаев (Бурятия); 5. Булат Батоев (Бурятия); 7. Рустам Абдурашидов (Дагестан); 8. Даша Шарастепанов (Бурятия); 9. Муршид Муталимов (Дагестан); 10. Ньургун Скрябин (СӨ).

Россия чөмпүйэнээтэ-2013. Красноярскай. 1. Бекхан Гойгереев (Дагестан); 2. Тимур Пестерев (СӨ); 3. Опан Сат (Красноярскай); 3. Бесик Кудухов (Алания); 5. Николай Георгияди (Краснодар); 5. Атмир Хромов (Санкт-Петебург); 7. Александр Богомоев (Бурятия); 8. Муршид Муталимов (Дагестан); 9. Сослан Азиев (Алания); 10. Ньургун Скрябин (СӨ).

Николай Попов «Саха Сирэ» хаһыат edersaas.ru