Дьокуускай куоракка массыына элбээн гараас тиийбэт. Кэнники сылларга массыынаны бүрүйэр портативнай гарааһы суоппардар сөбүлээн туттар буоллулар. Онуоха массыына суорҕаннарын уоруу элбээн, хас да көлө тоҥно.
Холобур, бөлүүн Песчанай уулуссаттан эдэр уолаттар бүрүллэн турар массынаттан портативнай гарааһын сулбу тардан ылбыттар. «Уолаттары полиция үлэһиттэрэ өр гыммакка туппуттар. Уоруйахтар 20 саастаах Анаабыр уонна Мэҥэ Хаҥалас ыччаттара эбит. Кинилэр түүҥҥү кулуупка сынньана сылдьан харчылара бүппүт. Чугастыы баар дьиэ таһыгар турар массыынаттан портативнай гарааһы сулбу тардан баран куотан хаалбыттар. Эрээри уорбуттарын атыылыыр сатамматах» — диэн ИДьМ пресс-сулууспата биллэрэр.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1