«Саха сирин киэн туттуута» норуот бириэмийэтин бырайыагын куоластааһыныгар М.К.Аммосов аатынан ХИФУ медицинскэй институтун профессора Карл Башарин эмиэ кыттар.
edersaas.ru
Дьокуускай к. олохтооҕо 76 саастаах учуонай Карл Башарин Уһук Хотугу сиргэ түбүркүлүөс туруутун чинчийэр.
Үлэтин ассистентан саҕалаан баран, профессорга тиийэ үүммүтэ. 1969 с. К. Г. Башарин «Патоморфоз туберкулеза легких в ЯАССР» диэн научнай тиэмэнэн медицинскэй наука кандидатын учуонай степенин көмүскээбитэ. 1997 с. олунньуга Москватааҕы Норуоттар доҕордоһууларын университетыгар «Патологическая анатомия туберкулеза легких на Крайнем Севере в современных условиях» диэн тиэмэҕэ докторскай диссертацияны көмүскээбитэ. 1992 с. Карл Башарин профессор буолбута.
К.Г. Башарин 250 научнай үлэлээх. Кини Чурапчы улууһун Бочуоттаах гражданина, доруобуйа харыстабылын туйгуна. СӨ наукаларын үтүөлээх диэйэтэлэ.
Карл Георгиевич өрөспүүбүлүкэҕэ чөл олоҕу пропагандалааччынан биллэр. Бу эйгэҕэ тахсыылаах үлэтин иһин Ф.Г. Углов аатынан көмүс мэтээлинэн наҕараадаламмыта.
Елена ПОТОЦКАЯ, «Саха сирэ» хаһыат, edersaas.ru
Хаартыска: СИА сайтыттан
+1
+1
+1
+1
+1
+1
+1