Кэлэр сыл бүддьүөтэ бигэргэннэ

Бөлөххө киир:

Бүгүн Ил Түмэн уочараттаах XXVI пленарнай мунньаҕар дьокутааттар бүддьүөт сокуонун бүтэһиктээх ааҕыынан ылыннылар. Эһиил өрөспүүбүлүкэ бүддьүөтүн дохуоттаах чааһа 8,9 миллиардынан элбээн 165,6 млрд солк. тэҥнэстэ. Оттон ороскуота – 169,8, дефицитэ – 4,2 млрд солк. буолла.

Быйыл федерацияттан регионнарга бэриллэр көмө харчы (субсидия, субвенция, дотация) биллэ кыччыыра эрдэттэн биллибитэ. Дьокутаат Александр Уаров суруналыыстарга бэлиэтээн эппитинэн, бу маннык кыччааһынтан инвестиционнай бырагыраама улаханнык оҕустарар. “Билигин быһа барыллааһынынан, 2018-2019 сс. инвестбырагыраамаҕа 4 млрд солк. көрүлүннэ. Ол иһин билиҥҥиттэн оскуолаларбытын, балыыһаларбытын хантан, хайдах харчы булан тутарбытын толкуйдуохтаахпыт”, — диэн бэлиэтиир Александр Сергеевич.

Билигин бүддьүөт үс сылга былааннанар. Кэлэр икки сыллааҕы барыллааһыны көрдөххө, 2018 с. бүддьүөт дохуоттаах чааһа – 147,1, ороскуота – 152,4, дефицитэ – 5,2, 2019 c. дохуота – 151,4, ороскуота – 154,2, дефицитэ – 3 млрд солк. тэҥнэһиэхтээх.

Аграфена КУЗЬМИНА, edersaas.ru

+1
0
+1
0
+1
0
+1
0
+1
0
+1
0
+1
0