Ыллыыр-туойар, ону ааһан бэйэтэ ырыа-хоһоон айарга холонор учуутал оскуолаҕа олус сыаналанар.
Раиса СИБИРЯКОВА, «Саха сирэ» хаһыат, edersaas.ru
Айар куттаах педагог үөрэнээччилэрин кэрэ эйгэтигэр сирдиир, кинилэри айар үлэҕэ кынаттыыр, талааннарын арыйар. Дьэ ити иһин, Степан Гоголев аатынан Дьокуускайдааҕы педагогическай кэллиэс салалтата ыччаты кытары үлэлиир баҕалаах энтузиаст, биллиилээх ырыаһыт, самодеятельнай композитор Марианна Макароваҕа тирэҕирэн, эбии үөрэхтээһин киинигэр гитаранан ырыа устуудьуйатын тэрийэн үлэлэтэр.
Ыам ыйын ыйын 26 күнүгэр тэриллибит Эбии үөрэхтээһин киинин түмүк кэнсиэригэр устуудьуйаҕа дьарыктанааччылар көхтөөхтүк кытыннылар, айбыт ырыаларын ыллаан иһитиннэрдилэр. Көрөөччүлэр биһирэбиллэрин ыланнар, кэллиэс муусука учууталларын бэлэмниир салаатын быйыл бүтэрэр Лазарь Сивцев самодеятельнай композитор Николай Сибиряков аатынан, кинини кытары бииргэ үөрэнэр Аля Бандерова бэйиэт Василий Петров-Айыл аатынан, бастакы куурус устудьуона Юлиан Сидоров бэйиэт Александр Федотов аатынан номинация хаһаайыннарынан буоллулар.
Раиса СИБИРЯКОВА, «Саха сирэ» хаһыат, edersaas.ru