Саха сирин кэмиэрчэскэйэ суох тэрилтэлэрэ 2017 сылга үлэлэрин туһунан отчуоту муус устар 15 күнүгэр диэри түһэриэхтээхтэр.
Россия Юстицияҕа министиэристибэтин Саха сиринээҕи управлениета федеральнай сокуоннаска олоҕуран кэмиэрчэскэйэ суох тэрилтэлэр муус устар 15 күнүгэр диэри болдьоххо 2017 сылга ыыппыт үлэлэрин туһунан отчуоту управлениеҕа түһэрэллэрин, ону тэҥэ отчуоту Россия Юстицияҕа министиэристибэтин порталыгар таһаараллара наадатын, биитэр сонуннары киэҥник тарҕатар сириэстибэлэргэ отчуоттуулларын туһунан санатар.
Отчуоту түһэрии көрүҥнэрин уонна ньымаларын туһунан сиһилии иһитиннэрии управление сайтыгар баар: to 14.minjust.ru “Кэмиэрчэскэйэ суох тэрилтэлэр отчуоттара”разделга, ону тэҥэ исписэлиистэртэн маннык төлөпүөнүнэн: 8(4112) 42-58-34.
Муус устар 9 күнүттэн 15 күнүгэр диэри кэмиэрчэскэйэ суох тэрилтэлэр (НКО) бэрэстэбиитэллэригэр Аһаҕас аан күннэрэ тэриллэр, ити чэрчитинэн исписэлиистэр НКО-лар отчуоттарын тутуохтара, ону тэҥэ сүбэ-ама биэриэхтэрэ, ол иһигэр сыллааҕы отчуоту толоруу уонна киллэрии боппуруостарынан. Аһаҕас аан күннэрэ НКО докумуоннарын тутар кииҥҥэ маннык аадырыска ыытыллар: Дьокуускай к., Аммосов уул, 18 дь, 2-с этээс, 200 кэб. Үлэлиир режимэ: муус устар 9-13 күннэригэр 9.00 чаастан 18.00 чааска диэри, эбиэт кэмэ: 13.15-14.00. Муус устар 14-15 күннэригэр – 11 чаастан 13 чааска диэри.
Болдьоммут кэмҥэ сыллааҕы отчуоту туттарбатахтарына, Российскай Федерация Кодексатынан административнай кэһиилэр тутарынан ирдэбилгэ олоҕуран административнай эппиэтинэс сүктэриллэр.
edersaas.ru