Дьокуускайга устудьуон этэрээттэрэ кэм капсулатын кистээтилэр

Ааптар: 
Бөлөххө киир:

Дьокуускайга кэм капсулата баарын туһунан билэҕит дуо? Биһиги куораппытыгар инники сылларга баара-суоҕа икки эрэ капсула кистэммитэ. Биири 2004 сыллаахха от ыйын 17 күнүгэр циркэ иннинээҕи скверигэр баар Сэлиичээн пааматынньыгын иһигэр уурбуттара, оттон иккис капсуланы Кыайыы  70 сылыгар 2015 сыллаахха балаҕан ыйын 2 күнүгэр «Туймаада саллаата» диэн өйдөбүнньүк комплекса кистээбиттэрэ. edersaas.ru

Алтынньы 6 күнүгэр «Слава студенческим отрядам Якутии» мемориал турар сиригэр Арассыыйа устудьуоннарын этэрээтин аатыттан кэм капсулатын кистээтилэр. Бу капсуланы оруобуна 50 сыл ааспытын кэнниттэн, ол эбэтэр 2068 сылга, хостоон ааҕыахтара.

Капсула иһигэр Ыччат дьыалатын уонна дьиэ кэргэн бэлиитикэтин миниистирин эбээһинэһин толорооччу Иван Петрович Луцкан, ЯРО МООО «Арассыыйа устудьуоннарын этэрээтэ» бырабылыанньа бэрэссэдээтэлэ Гаврил Иннокентьевич Семенов, Саха сирин устудьуоннарын этэрээтин бэтэрээннэрин сэбиэтин бэрэссэдээтэлэ Иннокентий Семенович Сивцев, ЯРО МООО «РСО» салалта, бэтэрээннэр уонна хамсааһын актыбыыстара Арассыыйа устудьуоннарын этэрээтин кэлэр көлүөнэтигэр анаан суруктара баар.

Өрөгөйдөөх тэрээһиҥҥэ М.К. Аммосов аатынан ХИФУ ректорын эбээһинэһин толорооччу Евгения Исаевна Михайлова кыттыыны ылла. Евгения Исаевна эҕэрдэлээн туран: «Ким инникини айар-тутар, ол 50, 100 сылынан биһиги уопсастыбабыт сайдарыгар көмөлөһүөҕэ. Кэлэр кэм хайдах буолара биһигиттэн тутулуктаах, ол иһин бэйэ-бэйэбитигэр көмөлөөх буолуохха», — диэтэ.

Бу күн СГУ историко-филологическай факультетын«Чэчир» ССО бэтэрээннэрэ кэлэн, доҕордоһуу, эдэр саас уонна дьол туһунан ырыаны бэлэхтээтилэр.

Гаврил Иннокентьевич уонна Иннокентий Семенович уонча суругу, хаартысканы уонна флешкэни кэм капсулатыгар уган, монумент акылаатыгар кистээтилэр.

50 сылынан бу күҥҥэ, бу миэстэҕэ Устудьуон этээрээтигэр анаммыт сквергэ көрсүөххэ диэри!

Лера Львова, edersaas.ru

+1
0
+1
0
+1
0
+1
0
+1
0
+1
0
+1
0