А.Е.Кулаковскай—Өксөкүлээх Өлөксөй аатынан култуура киинэ «Уроки межнационального общения «Народы России — праздники, обычаи, традиции» диэн бырайыагын төрдүс сылын ситиһиилээхтик үлэлэтэр.
Бу бырайыак чэрчитинэн Дьокуускай куорат 10-с №-дээх оскуолатыгар бэртээхэй уруок буолла. Киин сүрүн исписэлиистэрэ Марина Павлова, Ольга Солдатова уонна эбээн култууратын тарҕатар Максим Дудкин уруогу олус интэриэһинэйдик ыытан, оскуола кэлэктиибин махталын ыллылар. Икки иккис, биир сэттис кылаас үөрэнээччилэрэ ис сүрэхтэриттэн сэргээн, сэҥээрэн иһиттилэр, ыйытыылары биэрдилэр, куукулалары көрдүлэр-иһитилэр, эбээн уонна нуучча норуотун үнүстүрүмүөннэригэр оонньоотулар, тэрээһиҥҥэ көхтөөхтүк кытыннылар. Үөрүүлээх тэрээһин түмүгэр иккис кылаас оҕолоро улаханнык астыммыттарын, маннык көрсүһүүлэр өссө да буола туруохтарын баҕаралларын биллэрдилэр итиэннэ ыалдьыттарга махтанан «Сахам сирэ» ырыаны толордулар. «Бары иллээх, доҕордуу, бэйэ-бэйэбитин харыстыыр, хардарыта өйөһөр буоллахпытына, дойдубут бөҕө туруктаах буолуоҕа», — дэстилэр. Онтон тэрийээччилэр маннык уруоктары салгыыр былааннаахтарын, бу үүнэр көлүөнэҕэ ордук улахан дьайымтыалааҕын, туһалааҕын, элбэххэ үөрэтэрин, өйгө-санааҕа дириҥник иҥэрин бэлиэтээтилэр.