«Уус Алдан улууһун Кэптэнитигэр канализациялаах ыаллары экологтар ыстарааптаатылар! Ыстараап кээмэйэ сиэри таһынан улахан үһү. Ыалларынан кэрийэ сылдьан, канализация люгун аһан көрбүттэр. «Септик тулалыыр эйгэҕэ буортулаах» диэбиттэр. Оччотугар тыа сиригэр олорор ыаллары барыларын ыстарааптыахтарын!».
Анивера АКИМОВА, «Саха сирэ» хаһыат, edersaas.ru сайт
Бүгүн уус алданнартан батсаабынан маннык ис хоһоонноох иһитиннэриини туттум. «Хаһыат үлэһитэ чопчулас» диэн көрдөстүлэр. СӨ Айылҕа харыстабылын министиэристибэтин пресс-сулууспатыгар төлөпүөннээтим. Кинилэртэн Уус Алданнааҕы айылҕа харыстабылын иниспиэксийэтин начаалынньыга Семен Васильев нүөмэрин ылан кэпсэттим.
– Кэптэнилэри ыстарааптаабыппыт туһунан сураҕы бэйэм эмиэ батсаапка ааҕан биллим. Соһуйуу бөҕө. Сымыйа сураҕы тарҕаппыттарыттын тымтан олоробун. Биһиги кими да тыыппатахпыт, – диэн Семен Сергеевич «Эдэр саас» сайтка иһитиннэрдэ.
СӨ Ил Дарханын уонна бырабыыталыстыбатын өйөбүлүнэн, улуустар салалталара тыа сиригэр олоҕу тупсарыыга үлэлииллэр, ол иһигэр олорор дьиэлэргэ толору хааччыллыыны киллэрэллэр.
Анивера АКИМОВА, «Саха сирэ» хаһыат, edersaas.ru сайт
Анивера АКИМОВА.