Анаабыр улууһугар алтынньы 18 күнүгэр дьон сүттэ — икки эр киһи уонна биир кыыс.
Алтынньы 18 күнүгэр Сааскылаахтан икки эр киһи уонна биир кыыс Үрүҥ Хайаҕа бураанынан айаннаабыттар. Нэһилиэнньэлээх пууннар икки ардылара — 160 км.
Кэлин биллибитинэн, бу дьон иһигэр былырыын «Туман» диэн ырыанан биллибит игирэ аҥаара Кэрэчээнэ Туприна баар эбит. Кэрэчээнэ алтынньы 17 күнүгэр Дьокуускайтан Сааскылаахха кэлбит. Кинини көрсө диэн аҕата Олег Туприн доҕорун Федор Спиридоновы кытта Үрүҥ Хайаттан бураанынан кэлбиттэр.
Игирэтин аҥаара сүппүтүн, сибээскэ тахсыбатын туһунан Кэскилээнэ мобильнай мессенджеригэр суруйбут:
Бүгүн социальнай ситимҥэ «Анаабырга сүппүт дьон көстүбүт. Кинилэр бурааннара алдьанан, ыстаадаҕа табаһыттарга тиийбиттэр үһү» диэн иһитиннэрии тарҕанна. Ол эрээри, хомойуох иһин, бу сымыйа сурах буолан биэрдэ. Ону Анаабыр диспетчерскэй сулууспата, улуус салалтата бигэргэттилэр.
Сүппүт дьону көрдөөһүҥҥэ хас даҕаны бөлөх, тиэхиньикэ үлэлиир. Билигин Анаабырга -11 кыраадыс. edersaas.ru
+1
+1
+1
+1
+1
+1
+1