close
podpiska

Кэскилээнэ Туприна: «Бөртөлүөт көтүтэргэ көрдөһөбүн!»...
· - Олох-дьаһах

Кэскилээнэ Туприна: «Бөртөлүөт көтүтэргэ көрдөһөбүн!»

Анаабыр улууһугар алтынньы 18 күнүгэр дьон сүттэ — икки эр киһи уонна биир кыыс диэн иһитиннэрии Саха сирин биир гына тарҕанна.  Сааскылаахтан икки эр киһи уонна биир кыыс Үрүҥ Хайаҕа бураанынан айаннаабыттар. Нэһилиэнньэлээх пууннар икки ардылара — 160 км.

Кэлин биллибитинэн, бу дьон иһигэр былырыын «Туман» диэн ырыанан биллибит игирэ аҥаара Кэрэчээнэ Туприна баар эбит. Кэрэчээнэ алтынньы 17 күнүгэр Дьокуускайтан Сааскылаахха кэлбит. Кинини көрсө диэн аҕата Олег Туприн доҕорун Федор Спиридоновы кытта Үрүҥ Хайаттан бураанынан кэлбиттэр.
Кэрэчээнэ игирэтин аҥаара — Кэскилээнэ «Инстаграмыгар» маннык көрдөһүүнү таһаарда:
«Үтүө күнүнэн, сахам дьоно! Бары күүскэ долгуйабыт, ол эрээри сымыйа сурахтары бука диэн тарҕаппаккытыгар көрдөһөбүт!!! Биһиэхэ олус диэн ыарахан, ону өйдүөх тустааххыт!!! Эһиэхэ улахан көрдөһүүлээх тиийдибит, баһаалыста, бары биир сомоҕо буолан, бөртөлүөт көтүтэргэ көрдөһүөҕүҥ. Алмаастаах Анаабырга олоробут да, биир да бөртөлүөтү кыайан көтүппэтилэр!!!  Бөртөлүөт көтүппүттэр диэн Интэриниэт ситимигэр сымыйаны кэпсииллэр!!! Ийэм Евдокия Александровна дьоммут сүппүттэрэ иккис-үһүс күнүгэр эрийэн тута көмө көрдөспүтэ, төрдүс күнүгэр нэһиилэ вездеход булан ыыппыттара. Бүгүн сүппүттэрэ номнуо бэһис күнүн ааста, ол эрэн эрэлбитин сүтэрбэппит, ксөтүөхтэрэ диэн эрэнэбит. Тойоннортон улаханнык көрдөһөбүн!!! Абырааҥ, бөртөлүөттэ көтүтүҥ!!! Аҕам Олег Спиридонович Туприн, балтым Кэрэчээнэ Туприна, аҕам доҕоро Федот Спиридонов көстүөхтэрэ диэн эрэнэбин. Кэскилээнэ Туприна.»

View this post on Instagram

Утуо кунунэн сахам дьоно ! Бары куускэ диэн долгуйабыт, ол эрэн сымыйа сурахтары бука диэн таргатыман диэн бука кордоьобут !!! Биьиэхэ олус диэн ыарахан ону ойдуох тустааххыт !!! Эьиэхэ улахан кордоьуулээх тиийдибит, баьаалыста бары биир сомо5о буолан Алмаастаах Анаабырга олоробут да, биир вертолёту кыайан котуппэттэр!!! Интернет ситимигэр сымыйаны кэпсииллэр вертолет котуппуттэр диэн !!! Ийэм Евдокия Александровна суппут 2-3 куннэригэр эрийэн тута эппитэ кордоон комолоьун диэн, 4 куннэригэр нэьиилэ вездеход булан ыыппыттара, бугун номнуо 5 куннэрэ ааста, ол эрэн эрэлбитин сутэрбэппит, булуллуохтара диэн эрэнэбит, баьаалыста тойоннортон улаханнык кордоьуом этэ !!!! Абыраан вертолетта корун!!!!! А5ам Туприн Олег Спиридонович балтым Туприна Кэрэчээнэ, А5ам до5оро Спиридонов Федот, Булуллуохтара диэн тиийдим кордоьууну кытта Кэскилээнэ Туприна !

A post shared by Кэски (@keskileene54) on

Биһ.корр., edersaas.ru

#бүгүн: 1
0
5

Сайт матырыйаалларын ааптар көҥүлэ суох ылар бобуллар.
  1. 1 санаа

    Мин

    Хайдах, баччаанна диэри вертолетунан кердеебеттер?!
    !

    23.10.2018

  2. 2 санаа

    Sakha

    Tuokhtan syltaan sүttүler? Kүүsteekh tyal tүspүte duo? Ebeter timir kөlөlөrө aljammyt duo?

    23.10.2018

  3. 3 санаа

    Аноним

    Танара баарына, тыыннаах эрэ буоллуннар!!!🙏

    23.10.2018

Leave a reply to Мин Соттор

Мин санаам:

2 × 2 =