Россияҕа Үтүө дьулуур (доброволец) сылынан Дьокуускайга «1000 үтүө дьыала» диэн үтүө санаа аахсыйата саҕаланна.
Константин Тимофеев салайар «Витязь» диэн оскуола үөрэнээччилэрин уопсастыбаннай тэрилтэлэрин уонна М.К.Аммосов аатынан Хотугулуу-Илиҥҥи федеральнай университет «Аҕа дойду» гражданскай-патриотическай кулуубун актыбыыстара «Киин куорат доброволецтара» хамсааһын чэрчитинэн, куорат кырдьаҕас олохтоохторугар Нина Марушкевичка, Валентина Якукловаҕа уонна Леонид Шеиҥҥэ аадырыстаах көмөнү оҥордулар, дьиэлэрин-уоттарын хомуйан, сууйан биэрдилэр. Оскуола үөрэнээччилэрин «Витязь» уопсастыбаннай тэрилтэлэрин актыбыыстара «Үтүө санаа корзинката» аахсыйаҕа кыттыһаннар, соҕотох олорор кырдьаҕас эмээхсиҥҥэ ас-үөл атыылаһан биэрдилэр.
Үтүө санаа аахсыйатын тэрийээччилэр көлүөнэлэр ситимнэһиилэрэ ыччаттар уонна кырдьаҕастар хардарыта көмөлөсүһэр, ытыктабыллаах сыһыаннарыгар тирэҕирэрин бэлиэтииллэр итиэннэ бу аахсыйаҕа куорат олохтоохторо көхтөөхтүк кытталларыгар ыҥыраллар.
Раиса Сибирякова, edersaas.ru.
«Витязь» уопсастыбаннай тэрилтэ оҕолоро кырдьаҕастарга көмөлөһөллөр.