Киин куорат баһылыгын барыллаан куоластааһыныгар билиҥҥитэ алта киһи кыттар

Ааптар: 
Бөлөххө киир:

2017 сыл ыам ыйын 28 күнүгэр “Дьокуускай куорат” куораттааҕы уокурук баһылыгын дуоһунаһыгар “Биир ньыгыл Арассыыйа” баартыйа хандьыдааттарын сүүмэрдиир барыллаан куоластааһына буолар.

Роман ПОПОВ, “Саха сирэ” хаһыат, edersaas.ru


Ааспыт нэдиэлэҕэ тэрийэр кэмитиэт чилиэннэрэ уокуруктааҕы уонна учаастактардааҕы счетнай хамыыһыйалар састааптарын бигэргэттилэр. Киин куоракка барыта 23 счетнай хамыыһыйа үлэлиэҕэ.

Бүгүҥҥү күннээҕи туругунан, барыллаан куоластааһыҥҥа алта киһи кыттарын биллэрбитэ: Дьокуускай куорат мэрэ Айсен НИКОЛАЕВ, урбаанньыт Николай ПОТАПОВ, юрист Олег ЯХОНТОВ, теле-биэриилэри ыытааччы Андрей И (ХОРОШЕВ), эдэр гвардеец Святослав СОФРОНЕЕВ уонна урбаанньыт Ирина ВЫСОКИХ.

Барыллаан куоластааһыҥҥа кыттыан баҕалаахтартан сайабылыанньалары муус устар 27 күнүн киллэрэн туран үлэ күнүгэр маннык аадарыска ылаллар: Дьокуускай куорат, Аммосов уулуссатын 18 №-дээх дьиэтин 4/4 кэбиниэтэ. Төлөпүөнэ: 421-421.

Манна “Биир ньыгыл Арассыыйа” баартыйа чилиэнэ биитэр баартыйата суох, урут сууттана сылдьыбатах ким баҕалаах барыта кыттыан сөп. Праймериһы ыытыы балаһыанньатын уонна регламенын кытта pg.er.ru сайтка киирэн сиһилии билсиэххитин син.

“Биир ньыгыл Арассыыйа” баартыйа Саха сиринээҕи салаатын сэкирэтээрин солбуйааччы Дмитрий НИКИФОРОВ эппитинэн, куоластааһын быыбар ыытыллар сирдэригэр буолуоҕа. Сокуоҥҥа олоҕуран, олору баартыйа куортамҥа ылыаҕа. Счетнай учаастактар испииһэктэрэ баартыйа генеральнай сэбиэтин президиумунан бигэргэммиттэрэ. Бу күннэргэ олор баартыйа барыллаан куоластааһынын уонна олохтоох салаатын сайтарыгар тахсыахтара.

Роман ПОПОВ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0