Балаҕан ыйын 2 күнүнээҕи туругунан Сунтаар уонна Ньурба улууһугар Бүлүү өрүс уута болоорхой өҥнөөх. Оттон Сунтаар уонна Бүлүү аннынан уу ыраас диэн СӨ экологияҕа министиэристибэтэ иһитиннэрэр.
edersaas.ru
Бэҕэһээ кирдээх уу Үөһээ Бүлүүгэ тиийэн, өрүс уута будулуйбут. Сунтаар сэлиэнньэтин диэки уу ырааһыран эрэрэ биллибит. Быһа холоон, балаҕан ыйын 7 күнүгэр диэри уу толору ырааһырыахтаах. АЛРОСА Иирэлээххэ алдьаммыт даамбаны балаҕан ыйын 8 диэри оҥоруохтаах. Административнай чинчийии кэнниттэн тулалыыр эйгэҕэ төһө улахан хоромньу тахсыбыта ааҕыллыахтаах.
Санатан эттэххэ, уһун кэмнээх күүстээх ардах түмүгэр үрэх уута туолан, атырдьах ыйын 17 күнүгэр Иирэлээххэ АЛРОСА кирдээх ууну мунньар түөрт даамбата тоҕо баран экологическай алдьархай таҕыста. Ыарахан эттиктэрдээх кирдээх уу Иирэлээххэ, Оччугуй Ботуобуйаҕа, онтон Бүлүүгэ түһэн, тимир, алтан, фенол, цинк, марганец нуорманы таһынан барда. Лабораторнай чинчийии түмүгүн манна https://minpriroda.sakha.gov.ru/news/front/view/id/2937276 киирэн билсиэххитин сөп.
Марианна Тыртыкова, «Саха сирэ», edersaas.ru