– Дьон араас кыһалҕаҕа диэн кирэдьиит ылар. Кирэдьиит ылан наадабын быһаардым дии сырыттаҕына, балаһыанньата уларыйан хаалар. Холобур, бэҕэһээ офиспытыгар кыһалҕаҕа киирбит биир киһи кэлэн барда. Ойоҕо кининэн кирэдьиит бөҕө ылларбыт. Ити кэнниттэн эр киһи үлэтигэр сарбыйыыга түбэһэн, төлүүр кыаҕа суох буолан хаалбыт. Бэйэтэ да ыарахан балаһыанньаҕа киирбит киһини ойоҕо аны быраҕан кэбиспит. Ити курдук, биһиэхэ кирэдьииттэригэр төлүүр болдьохторун уһаппыт иэстээхтэр кэлэллэр, – диэн саҕалаата бэйэтин кэпсээнин Winlevel хампаанньа агена Айна Сивцева.
Бу РФ Суут бириистэптэрин федеральнай сулууспатын реестригэр турар хампаанньа Саха сиригэр баар филиала кирэдьиит хабалатыгар киирбит дьон иэһин сокуоҥҥа олоҕуран бааннартан, дьоҕус финансовай тэрилтэлэртэн атыылаһан эрэр эбит. Хампаанньа бас-көс офиһа Татарстаҥҥа Набережные Челны куоракка баара биллэр. Билигин Саха сиригэр уонча офис (Россияҕа 350) аһыллан үлэлиир. Россияҕа мунньуллубут иэстээх 27000 тахса киһи реестргэ (хампаанньа бэйэтин реестрэ) киирэн турар. Оттон Саха сиригэр 2000 тахса киһи бу реестргэ турар. Олортон 200 тахса киһи иэһин Winlevel атыылаһан ылбыт. Билиҥҥи туругунан дьиҥ-чахчы 36 киһи кирэдьиитин иэһиттэн босхоломмутун туһунан Winlevel ыспыраапкатын ылбыт.
– Айна Тимофеевна, эһиги көмөҕүтүгэр кимнээх наадыйаллар эбитий?
– Биллэн турар, кирэдьиит ытарчатыгар ылларбыттар уонна соһуйуоххут иһин, суобастаах дьон кэлэллэр. Тоҕо? Кинилэр хайдах эмэ гынан кирэдьииттэрин мунньуллубут иэһиттэн босхолонор санаалаахтар.
– Эһиги хампаанньаҕыт көмөтүнэн биир эмэ клиеҥҥит иэһин сотторбутун холобурдуур кыахтааххын дуо?
– Холобура, 1 мөл 505 тыһ. солк. тахса төлүүрдээх киһи иэһиттэн баара-суоҕа кини төлүүрүгэр 375 тыһ. солкуобай хаалла. Бу хаалбыт иэһин биһиэхэ кэлэн анал болдьоҕунан төлөһө сылдьар.
– Кирэдьиит көмөтүнэн эрэ олорор дьоҥҥо тугу сүбэлиэҥ этэй?
– Бааҥҥа иэстээх да буоллахха, куотумуохха, саһымыахха наада. Төлөһөллөрүн уһаппыт дьоҥҥо биһиги хампаанньабыт көмөлөһүөҕэ (89245686999 нүөмэргэ (бассааптаах) эрийиҥ эбэтэр Орджоникидзе 50 №-дээх дьиэтигэр 7 офиска кэлэн босхо сүбэ-ама ылыҥ).
Онон мунньуллубут иэстээхтэр тустаах хампаанньа көмөтүнэн иэстэрин төлөөн бүтэрдэхтэринэ, кинилэргэ Кирэдьиит историятын национальнай бюротугар Winlevel сибидиэнньэ ыытан, иэстээх киһи историятын тупсараллар. Ол эрээри тустаах хампаанньа ипэтиэкэ, солуок кирэдьииттэринэн дьарыктаммат. Потребительскай,табаарынай уонна каартанан кирэдьииттэргэ иэстээхтэри кытта үлэлииллэр.
“Кыһалҕалаахтар биһиэхэ сүбэ-ама ыла кэлэллэригэр пааспардарын уонна кирэдьииттэрин дуогабарын илдьэ кэлэллэрэ наада”, – диэтэ түмүгэр Айна Сивцева.
Хампаанньа генеральнай дириэктэрэ Дьокуускайга сэтинньи ый бүтүүтэ кэлэн, иэстээхтэри уонна бааннары кытта көрсүһүөҕэ диэн кэтэһэллэр.
Женни Стрюкова, edersaas.ru