Нерюнгри оройуонугар таас чоҕу хостуур улахан бырамыысыланнай тэрилтэ бэйэтин хамаандатын хаҥатарга оробуочай идэлээх дьону көрдүүр. Үлэһиттэргэ үрдүк хамнас уонна толору социальнай хааччыллыы төлөнөр. Уоппускаҕа барарга айан төлөбүрэ икки сылга биирдэ үлэһиккэ, кини дьиэ кэргэнигэр эмиэ бэриллэр.
edersaas.ru
Ону таһынан, үлэһиттэрин үөрэтэллэр, идэлэрин таһымын үрдэтэллэр, өссө кыраныысса таһыгар стажировкаҕа ыыталлар. Атын улуустан көһөн кэлэргэ, аймахтаргын үлэҕэ ыларга, уоппуска кэмигэр бары дьиэ кэргэнинэн сынньана барарга усулуобуйа тэрийэллэр.
Билиҥҥи кэмҥэ Чульман бөһүөлэккэ үлэһиттэргэ үс уопсай дьиэ уонна ыалынан кэлээччилэргэ 100 кыбартыыралаах олорор дьиэ тутулла тураллар. Аныгы технологиянан түргэнник тутуллар дьиэ үс ыйынан бүтүө, бастакы хаһаайыннар ыам ыйыгар күлүүстэрин тутуохтара диэн эрэннэрэллэр.
«Колмар» үөрэх кыһаларын, оҕо уонна ыччат спордун, талааннаах оҕолору өйүүр бырайыактарга кыттар. Таас чоҕу хостуур улахан кэлэктиипкэ аан дойдуга саамай улахан массыыналар: карьерга үлэлиир самосваллар суоппардара, сири үүттүүр, хаһар машинистар, конвейер үлэһиттэрэ, учаастак маастардара уонна начаалынньыктара наадалар.
«Колмарга» тиийэн хайдах услуобуйаҕа үлэлиэххэ сөбүн туһунан ютубка киирэн, ролик көрүөххэ сөп https://www.youtube.com/watch?v=dYQA3CzZch8
Социальнай ситимҥэ аадырыстара:
«Инстаграмҥа” https://www.instagram.com/uk_kolmar/
«ВК» https://vk.com/uk_kolmar
“Одноклассники” https://ok.ru/group/55167095210219
Марианна Тыртыкова, «Саха сирэ», edersaas.ru