Континеннар икки ардыларынааҕы Кубок: Михаил Иванов казах бөҕөһүгэр сабырыйтарда
Хасавюрт куоракка (Дагестан) XIX-XX үйэлэр аатырбыт бөҕөстөрүн кэриэһигэр көҥүл тустууга континеннар икки ардыларынааҕы Кубок иһин күрэхтэһии саҕаланна.
Бүгүн 57, 65, 74 уонна 97 киилэҕэ диэри ыйааһыҥҥа хапсыһыылар саҕаланнылар.
Эрдэ иһитиннэрбиппит курдук, бу улахан түһүлгэҕэ саха тустууга оскуолатын икки иитиллээччитэ Михаил Иванов уонна Евгений Коломиец Москва уобалаһын хамаандатыттан кытталлар.
Сибилигин аҕай биллибитинэн, 57 киилэҕэ диэри ыйааһыҥҥа Михаил Ивановпут квалификацияҕа Казахстан бөҕөһүгэр Мухамбет Куатбекка 1:2 ахсаанынан сабырыйтарда.
Роман Попов, «Саха сирэ» хаһыат, edersaas.ru
+1
+1
+1
+1
+1
+1
+1