Антон Привольнов, «Маҥнайгы» ханаал аатырбыт биэриитин ыытааччыта, Дьокуускайга кэлээт «Сайсары» ырыынагын кэрийдэ.
Бу күннэргэ Дьокуускай куоракка киэҥ далааһыннаахтык “Саха сирин амтана” («Вкус Якутии») фестиваль диэн быйыл үһүс төгүлүн ыытылла турар.
Тэрээһиҥҥэ куорат аҕыс ресторана кыттар. Тэрийээччилэр бэлиэтииллэринэн, олус элбэх баҕалаах рестораннартан бэйэлэрэ суоллаах-иистээх тэрилтэлэри талбыттар.
Араас ыалдьыт ортотугар быйыл киин телевидение суруналыыстара кэлбиттэрин ордук бэлиэтиэххэ сөп. Ол курдук, НТВ ханааал суруналыыһа, «Повара и поварята» биэрии ааптара Константин Жук: “Атын планеҕа кэлбит курдук санана сылдьабын. Оссө бу саҕалааһына эрэ. Дьэ, сахалар, миигин тугунан өссө соһутаҕыт?”, — диир.
«Контрольная закупка» биэриитин ыытааччыта Антон Привольнов бааһынай хаһаайыстыба ырыынагар уонна уопсайынан Дьокуускайга сырыытын түмүгүнэн биэриилэри оҥороруоҕун, араас санааны торумнуу сылдьарын бэлиэтээтэ.
“Саха сирин амтана” («Вкус Якутии») фестиваль салҕанар.
Елена ПОТОЦКАЯ.