Култуура профсойууһун күрэхтэһиитин буулдьанан ытыыга кыайыылаахтара билиннэ

Дьокуускай куоракка  Култуура профсойууһун көҕүлээһининэн,  олунньу саҥатыттан култуура уонна искусство үлэһиттэрин ХVII спартакиадалара  саҕаламмыта. Бу өрөбүллэргэ буулдьанан ытыыга күрэхтэһии түмүктэннэ. Күрэхтэһиигэ үс бөлөҕүнэн 40 хамаанда кытынна.

Александр ТАРАСОВ, “Саха сирэ” хаһыат, https://edersaas.ru

Бастакы бөлөххө

1 миэстэ –» Саха»  НКИКХ

2 миэстэ – Арктика

3 миэстэ – Эстрада тыйаатыра

Иккис бөлөххө

1 миэстэ – АГИКИ

2 миэстэ – Үҥкүү тыйаатыра

3 миэстэ – “РИИХ Сахамедиа” АУо

Үһүс  бөлөххө

1 миэстэ – музыкальнай колледж

2 миэстэ – Үүнэр көлүөнэ тыйаатыра

3 миэстэ – Оҕо искусствотын оскуолата (ДШИ)

Анивера Акимова, “РИИХ Сахамедиа” АУо хамаандатыттан, “Саха сирэ” хаһыат ырытааччыта:

—Быйылгы култуура спартакиадатыгар “РИИХ Сахамедиа” аатыттан “Саха сирэ” хаһыат кэрэспэдьиэнэ Стас Иовлев уонна “Якутия” хаһыат ырытааччыта Алексей Рудых буолан кытынныбыт. Былырыын «Азия оҕолоро» норуоттар икки ардыларынааҕы спортивнай оонньууларга буулдьанан ытыы күрэхтэһиитин сырдаппытым.  Сүрдээҕин интэриэһиргээбитим. Ыта үөрэммит киһи диэн санаа үөскээбитэ.  Быйылгы  култуура үлэһиттэрин спартакиадатыгар кытын диэбиттэригэр,  тута сөбүлэспитим. Күрэхтэһии иннинэ икки күн эрчиллибиппит. Тренербит сүбэлээн-амалаан, хайдах ытыахтаахпытын көрдөрөн биэрбитэ. Күрэхтэһиигэ кыра долгуйуу баар этэ. Хайдах эрэ биэс иһигэр киириэхпит диэн эрэллээх этим. Үһүс буолбуппутуттан наһаа соһуйдум да, үөрдүм да. Маннык спартакиада ыытыллара наадалаах.

Александр ТАРАСОВ, “Саха сирэ” хаһыат, https://edersaas.ru