Куораппыт көҕөрө-чэлгийэ турдун!

Бөлөххө киир:

Дьокуускайдааҕы ГРЭС энергетига Сергей Горчаков бииргэ үлэлиир дьонун уонна ыалларын кытта бары бииргэ киин куоракка «Күөх десант» диэн аахсыйаны үһүc сылын тэрийэн үлэлэтэллэр.

edersaas.ru

Ыам ыйыгар Дзержинскай уулусса 26, 26/2, 36/1, Губин уулусса 3 уонна Бестужев-Марлинскай  уулусса 9/3а №-дээх дьиэлэрин тастарыгар хатыҥ, бэс мастары уонна сибэкки арааһын аҕалан үүннэрбиттэр.

«Биһиги дойдубут чээлэй күөх тыаларынан биллэр, ол эрээри куоракка от-мас олус аҕыйах. Барыта асфальт суол, бетон эркин буолан, киһи тыына-быара хаайтарар. Ол иһин дьиэлэрбит тастарыгар мастары, дьэрэкээн сибэккилэри аҕалан олордобут. Ыстаансыйабыт үлэһиттэрэ, чуолаан дириэктэрбит Руслан Исхаков, биһиэхэ күүс-көмө буолалларыгар истиҥник махтанабын. Саас аайы тахсан үлэлиибит. Энергетиктар уонна ыалларбыт аахсыйабыт туһунан үчүгэйдик билэллэр, куораппыт кэрэ көстүүлээх буоларын туһугар бары кыһаллабыт», – диэн Дьокуускайдааҕы ГРЭС материальнай-техническэй хааччыйыытын салалтатын экономиһа Сергей Горчаков кэпсиир. Куорат олохтоохторо бука бары энергетиктар үтүө холобурдарын батыһан, дьиэбит таһын тупсарыаххайыҥ диэн ыҥырабын!

Саргылана Савватеева, edersaas.ru саайтка анаан

+1
0
+1
0
+1
0
+1
0
+1
0
+1
0
+1
0