СӨ Айылҕа харыстабылын министиэристибэтин үлэһиттэрэ бу өрөбүллэригэр кинилэргэ үлэлээбит бэтэрээҥҥэ көмөлөстүлэр. Матрена Ларионова бу министиэристибэҕэ хаһаайыстыбаннай чаас сэбиэдиссэйинэн өр кэмҥэ бэриниилээхтик үлэлээбитин күндүтүк саныыллар.
Министиэристибэ эр дьоно бэтэрээннэригэр тиийэн тиэргэн хаарын ыраастаатылар, мас бэлэмнээтилэр. Матрена Егоровна кэллиэгэлэригэр улаханнык махтаммыт, сылаас чэйинэн күндүлээбит. Бары бииргэ үлэлээбит кэмнэрин истиҥник ахтан-санаан ааспыттар, дуоһуйа кэпсэппиттэр. Бу туһанан тустаах министиэристибэ пресс-сулууспата иһитиннэрэр.
+1
+1
+1
+1
+1
+1
+1