Кырдьаҕастарга босхо фотосессия оҥордулар

Бөлөххө киир:
Дьокуускайга Үтүө санаа сыла кэҥиир, салҕанар. Үчүгэйэ диэн, куорат олохтоохторо, боростуой дьон, ким эрэ ыйыытынан-кэрдиитинэн буолбакка, махтал-баһыыба күүппэккэ, ис сүрэхтэриттэн үтүөнү оҥороллоро элбээтэ.
Ангелина Васильева, «Саха сирэ» хаһыат, edersaas.ru
Фотографтар, визажистар, парикмахердар мустан, Өрөспүүбүлүкэтээҕи кырдьаҕастар, инбэлииттэр интэринээт-дьиэлэригэр “Кэрэ сэбэрэ күнүн” тэрийэн ыыттылар. Биир күн уонча киһилээх хамаанда кэлэн толору үлэлээн, интэринээт олохтоохторугар соһуччу үөрүүнү бэлэхтээтилэр.
Сүүрбэччэ дьахтары баттахтарын кырыйан, бүрүчүөскэ оҥорон, тыҥырахтарын лаахтаан, сирэйдэрин-харахтарын кырааскалаан, киһи билбэт гына тупсарбыттар, киэргэппиттэр. Биллэр фотографтар <strong>Ксения Береговая, Вадим Руфов</strong> хаартыскаҕа түһэрбиттэр. Сорох дьахталлар үйэлэригэр хаһан да маннык киэргэммэтэх, хаартыскаҕа түспэтэх буолан, наһаа үөрбүттэр, долгуйбуттар. Дьахтар хас да саастаннын, ханнык да ыарахаттары тулуйдун, кини бэйэтин ис кэрэтинэн кэрэ.
Маннык акцияны аны кулун тутар 5 күнүгэр Бекетов уулуссатыгар турар кырдьаҕастар, инбэлииттэр интэринээттэригэр ыытарга былаанныыллар.

+1
0
+1
0
+1
0
+1
0
+1
0
+1
0
+1
0