Хаҥалас улууһун II Малдьаҕар нэһилиэгэр «Бөртө сылгы собуота» ХЭТ (дириэктэр Александр Павлов) 717 ынах сүөһүнү, ол иһигэр 341 ыанньыгы кыстатан турар.
Хаһаайыстыба толору хааччыллыылаах комплексы туттан, ыанньыгын барытын онно киллэриэҕиттэн, төрүөҕү дьыл кэмиттэн тутулуга суох ылары тэрийэн, үүтү сылы эргиччи ыыр таһымҥа тиийдэ. Ол түмүгэр, сыл устата биир ынахтан ортотунан 3 тыһ. тахса киилэ үүтү ыыр буолла. Бастыҥ ыанньыксыттар Аммосова Екатерина, Борисова Раиса, Трофимова Валентина, Таппыева Анастасия быдан үрдүк көрдөрүүлээхтэр.
Ньирэйдэри хомуйан илдьии
Кыстыкка киириэхтэн хайы-сах аҕыс ньирэй күн сирин көрдө. Ыанньыксыттар ньирэйдэрин арыый бороохтуйуохтарыгар диэри көрөн-истэн баран, ньирэй көрөөччү Анна Ивановаҕа туттардылар. Саҥа төрөөбүт ынахтар сайыҥҥылыы күрүлэччи ыаталлар, онон пиэрмэ үрдүнэн күннэтэ биир туонна үүт ыанар.
Ульяна СЕМЕНОВА, «Саха сирэ» хаһыат, edersaas.ru саайтка анаан
+1
+1
+1
+1
+1
+1
+1