close
Кыстык: Хонтуруол күүһүрэр, эппиэтинэс улаатар
Бэлиэ күннэр - Олох-дьаһах - Тыа сирэ

Кыстык: Хонтуруол күүһүрэр, эппиэтинэс улаатар

Бырабыыталыстыба Бэрэссэдээтэлин бастакы солбуйааччы — тыа хаһаайыстыбатын уонна ас-үөл бэлиитикэтин миниистирэ Петр Алексеев биэдэмистибэлэр икки ардыларынааҕы кыстык хамыыһыйатын мунньаҕын салайан ыытта. 

edersaas.ru.

Улуустартан тыа хаһаайыстыбатын управлениеларын салайааччылар быһа видеосибээскэ тахсаннар, кыстык хайдах баран иһэрин, сүөһү-сылыгы туругун, төһө от-бурдук баарын туһунан иһитиннэрдилэр. Барыларын истэн баран, Петр Алексеев улуустар баһылыктарыгар соҕотуопкалыыр-астыыр хаһаайыстыбалары кытыннаран туран, эти-үүтү оҥорооччулары концентрированнай аһылыгынан хааччыйарга үлэлииргэ, от уонна комбикорм сыаналара үрдэтиллибэтин хонтуруоллуурга, үүт субсидиятын биэрии бэрээдэгин бигэргэтэргэ, сылгы салаатын өйүүргэ итиэннэ үбүлээһинин ыйан, төһө эбии аһылык наадатын, ону тиэйии-таһыы болдьоҕун быһаарарга эттэ. Бүлүү улууһугар бэтэринээринэй сулууспа исписэлиистэрин кытары «Халбаакы» кэпэрэтиип сүөһүлэрин туругун кыраҕытык көрөргө-истэргэ, хаһаайыстыбаны эбии отунан, комбикорманан хааччыйарга, Өймөкөөн улууһугар нэһилиэнньэ сайаапкалаабыт 70 туонна сылгы бурдугун тиэрдиини быһаарарга, Уус Алдан уонна Мэҥэ Хаҥалас улуустарыгар төһө эбии аһылык наадатын чопчулуурга сорудахтаата. Оттон Ветеринария департамена улуустарга төһө битэмиин, эмп-томп уонна препарат наадатын, онтон күн бүгүн саппааска төһөтө баарын чуолкайдыырга эбээһинэстэннэ. Ити курдук, сүөһүнү-сылгыны сүтүгэ суох кыстатар туһугар хонтуруол күүһүрэр, эппиэтинэс улаатар.

Раиса Сибирякова, edersaas.ru.

Мунньах кэмигэр

#бүгүн: 1
1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

8 + 3 =